काठमाडौं (हाम्रो खेलकुद) – नेपाल क्रिकेट संघ(क्यान) अन्तर्गत जिल्ला चुनावमा नुवाकोटबाट दुर्गाराज पाठक र मकवानपुरबाट करन महत्रा क्षेत्री सर्वसम्मत अध्यक्षमा नियुक्त भएका छन् ।

आज भएको साधरण सभाबाट नुवाकोटबाट पाठक सर्वसम्मत चुनिएका हुन् । पाठक यसअघि पनि नुवाकोटका अध्यक्ष थिए । क्यानको केन्द्रिय सदस्य हुँदै हाल कार्यवाहक सचिवको भुमिका निर्वाह गरेका छन् ।

उता मकवानपुरमा मा करन सर्वसम्मत चुनिएका थिए । मकवानपुर जिल्ला क्रिकेट संघको उपाध्यक्षमा ईश्वर प्रसाद मैनाली, सचिवमा विनोद कुमार बानियाँ र कोषाध्यक्षमा धिरज श्रेष्ठ नियुक्त भएका छन् ।

त्यस्तै सदस्यहरुमा विनोद प्रधान, साजनक कुमार शर्मा, मनिषा चौलागाई, अमित राई, राजु गुप्ता, संजोग पोखरेल, नवराज सापकोटा, रवि थापा, अनुप प्रसाद सेनुरिया, प्रेम बहादुर क्षेत्री र कृष्णगोपाल श्रेष्ठ नियुक्त भएका हुन् ।

त्यस्तै नुवाकोट जिल्ला संघको उपाध्यक्षमा बिषणु प्याकुरेल, सचिव करण खतिवडा, कोष्याध्यक्ष राजेन्द्र पनेरु चुनिएका छन् । सदस्यहरुमा सुरज सिलवाल, अनुजमान श्रेष्ठ, प्रज्जवल सापकोटा, उपेन्द्र देबकोटा, केशब मिश्र पारस अधिकारी, ओम प्रकाश श्रेष्ठ र रामधन ढकाल निर्वाचित चुनिएका छन् ।