default_image

3 months ago

December 7, 2023

करन र ज्याक्सको उत्कृष्ट प्रदर्शनमा इंग्ल्यान्डको सहज जित

एजेन्सी – युवा बलिङ अलराउन्डर साम करन र ओपनर विल ज्याक्सको उत्कृष्ट प्रदर्शनमा इंग्ल्यान्डले दोस्रो ओडिआई खेलमा वेस्टइन्डिजलाई ६ विकेटले हराएको छ । योसँगै तीन ओडिआई खेलको सिरिज १-१ को बराबरीमा पुगेको छ । जितको लागि २ सय ३ रनको मध्यम विजयी लक्ष्य पछ्याएको इंग्ल्यान्डले ३२.५ ओभरमा ४ विकेट गुमाउँदै पूरा गर्यो । इंग्ल्यान्डको जितमा […]

1823 views

0 Bookmark

एजेन्सी – युवा बलिङ अलराउन्डर साम करन र ओपनर विल ज्याक्सको उत्कृष्ट प्रदर्शनमा इंग्ल्यान्डले दोस्रो ओडिआई खेलमा वेस्टइन्डिजलाई ६ विकेटले हराएको छ । योसँगै तीन ओडिआई खेलको सिरिज १-१ को बराबरीमा पुगेको छ ।

जितको लागि २ सय ३ रनको मध्यम विजयी लक्ष्य पछ्याएको इंग्ल्यान्डले ३२.५ ओभरमा ४ विकेट गुमाउँदै पूरा गर्यो । इंग्ल्यान्डको जितमा ओपनर विल ज्याक्सले ७२ बलमा ६ चौका र ४ छक्कासहित सर्वाधिक ७३ रनको योगदान दिए ।

कप्तान जस बटलर ४५ बलमा ४ चौका र ३ छक्कासहित ५८ रनमा नट आउट रहे । ह्यारी ब्रुक ४९ बलमा २ चौका र २ छक्कासहित ४३ रनमा अविजित रहँदा ओपनर फिलिप साल्ट २१, ज्याक क्रली र बेन डकेट ३–३ रनमा आउट भए ।

वेस्टइन्डिजका गुडाकेश मोतीले ७.५ ओभरमा ३४ रन खर्चेर २ विकेट लिए । रोमारियो शेफर्ड र शेर्फान रदरफोर्डले १-१ विकेट लिए ।

त्यसअघि एन्टिगुवामा टस हारेर पहिला ब्याटिङको निम्तो पाएको वेस्टइन्डिज ३९.४ ओभरमा २ सय २ रनमा अल आउट भयो । वेस्टइन्डिजका कप्तान शाई होपले ६८ बलमा ६ चौका र १ छक्कासहित सर्वाधिक ६८ रन बनाए ।

पहिलो खेलमा वेस्टइन्डिजलाई जिताउन होपले शतक हानेका थिए । शेर्फान रदरफोर्ड ८० बलमा ७ चौका र १ छक्कासहित ६३ रनमा आउट भए ।

अन्य कुनैपनि वेस्टइन्डिजका ब्याटरले राम्रो प्रदर्शन गर्न सकेनन् । एलिक एथान्जे ४, ब्रेन्डन किंग १७, केसी कार्टी र शिम्रन हेटमायर शून्यमा आउट भए ।

इंग्ल्यान्डका साम करनले ७ ओभरमा ३३ रन खर्चेर ३ विकेट लिए । पहिलो खेलमा ९८ रन खर्चेका साम करनलाई टोलीले विश्वास गर्दै निरन्तरता दिएपछि उत्कृष्ट प्रदर्शन गरेका थिए । गस एट्किन्सन र रेहान अहमदले २-२ विकेट लिए । लियाम लिभिङस्टोनले ६ ओभरमा ३९ रन खर्चेर ३ विकेट लिए ।

पहिलो खेलमा वेस्टइन्डिज ४ विकेटले विजयी भएको थियो । तेस्रो तथा अन्तिम खेल शनिबार हुनेछ । त्यसपछि पाँच टि२० आई खेलको सिरिज हुनेछ ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.