default_image

1 month ago

January 18, 2024

भारतले एकै खेलमा तोड्यो नेपालका तीन विश्व कीर्तिमान

एजेन्सी – भारतले तेस्रो तथा अन्तिम टि२० आई खेलमा अफगानिस्तानमाथि दोस्रो सुपर ओभरमा रोमान्चक जित हात पार्नेक्रममा नेपालले बनाएका तीन विश्व कीर्तिमान तोडेका छ । जितको लागि २ सय १३ रनको विजयी लक्ष्य पछ्याएको अफगानिस्तानले २० ओभरमा ६ विकेट गुमाउँदै २ सय १२ रन बनाएपछि खेल सुपर ओभरमा गएको थियो । सुपर ओभरमा अफगानिस्तानले १६ […]

36313 views

0 Bookmark

एजेन्सी – भारतले तेस्रो तथा अन्तिम टि२० आई खेलमा अफगानिस्तानमाथि दोस्रो सुपर ओभरमा रोमान्चक जित हात पार्नेक्रममा नेपालले बनाएका तीन विश्व कीर्तिमान तोडेका छ ।

जितको लागि २ सय १३ रनको विजयी लक्ष्य पछ्याएको अफगानिस्तानले २० ओभरमा ६ विकेट गुमाउँदै २ सय १२ रन बनाएपछि खेल सुपर ओभरमा गएको थियो ।

सुपर ओभरमा अफगानिस्तानले १६ रन बनाएपछि पुन टाई भएको थियो । दोस्रो सुपर ओभरमा भारतले ११ रन बनाउँदा अफगानिस्तानले एक रन मात्रै बनाउन सक्यो ।

त्यसअघि चिन्नास्वामी स्टेडियम बेंगलोरमा टस जितेर पहिला ब्याटिङ रोजेको भारतले निर्धारित २० ओभरमा ४ विकेट गुमाउँदै २ सय १२ रन बनाएको थियो ।

भारतका कप्तान रोहित शर्मा ६९ बलमा ११ चौका र ८ छक्कासहित सर्वाधिक १ सय २१ रनमा नट आउट रहे । रिंकु सिंह ३९ बलमा २ चौका र ६ छक्कासहित ६९ रनमा नट आउट रहे ।

एक समय ४.३ ओभरमा २२–४ को दयनीय अवस्थामा पुगेको भारतलाई फर्काउन रोहित र रिंकुले ९५ बलमा १ सय ९० रनको विष्फोटक अविजित साझेदारी गरेका थिए ।

भारतले अन्तिम १२ बलमा ५८ रन जोेडेको थियो । अन्तिम ओभरमा भारतले करिम जन्नतलाई पाँच छक्कासहित कुल ३६ रन जोडेको थियो । १९ औं ओभरमा भारतले २२ रन जोडेको थियो । जसक्रममा नेपालका तीन विश्व कीर्तिमान पनि तोडेको थियो ।

३. अन्तिम दुई ओभरमा सर्वाधिक रन

भारतले अन्तिम दुई ओभरमा ५८ रन जोडेको थियो । टि२० क्रिकेटमा कुनै पनि टोलीले अन्तिम दुई ओभरमा जोडेको यो सर्वाधिक रन हो । यसअघि गत सेप्टेम्बरमा चीनमा भएको १९ औं एसियाली खेलकुलमा मंगोलियाविरुद्ध नेपालले अन्तिम २ ओभरमा ५५ रन जोडेको थियो । नेपालले १९ औं ओभरमा पाँच छक्कासहित कुल ३२ रन जोडेको थियो । अन्तिम ओभरमा तीन छक्कासहित कुल २३ रन जोडेको थियो । सबै ८ छक्का दीपेन्द्रले नै हानेका थिए ।

२. डेथ ओभरमा सर्वाधिक रन

भारतले डेथ ओभर अर्थात अन्तिम पाँच ओभरमा अफगानिस्तानविरुद्ध १ सय ५ रन जोड्यो । टि२० आईमा डेथ ओभरमा जोडेको सर्वाधिक रन हो । यसअघि मंगोलियाविरुद्ध नेपालले डेथ ओभरमा जोडेको ८९ रन नै सर्वाधिक थियो ।

१.पाँचौं विकेटका लागि उच्च साझेदारी

टि२० आईमा पाँचौं विकेटका लागि नेपाली खेलाडीले गरेको उच्च साझेदारी पनि तोडिएको छ । अफगानिस्तानविरुद्ध रिंकु र रोहितले पाँचौं विकेटका लागि ९५ बलमा १ सय ९० रनको विश्व कीर्तिमानी साझेदारी गरे ।

गत अक्टोबरमा मुलपानी क्रिकेट मैदानमा त्रिकोणात्मक टि२० आई सिरिजमा नेपालका दीपेन्द्र सिंह ऐरी र कुशल मल्लले हङकङविरुद्ध १ सय ४५ गरेको कीर्तिमानको साझेदारी तोडेका हुन् ।

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

Success

Thank you for your time.