6 months ago
February 5, 2024
काठमाडौं (हाम्रो खेलकुद) – नेपाली यू-१९ राष्ट्रिय पुरुष क्रिकेट टोली आइसीसी यू-१९ विश्वकपमा सहभागिता जनाएर स्वदेश फर्किएको छ ।
समूह चरण पार गरेर सुपर सिक्स खेलेको नेपाली टोली सोमबार विहान त्रिभुवन अन्तर्राष्ट्रिय विमानस्थल अवतरण गरेको हो । नेपालले समूह चरणको अन्तिम खेलमा अफगानिस्तानलाई १ विकेटले हराउँदै सुपर सिक्स यात्रा तय गरेको थियो । त्यसअघि न्युजिल्यान्ड र पाकिस्तानले नेपाललाई हराएका थिए ।
सुपर सिक्समा नेपालले भारत र बंगलादेशसँग हार बेहोरेको थियो । तर समग्र विश्वकपमा भने नेपाल ११ औं स्थानमा रह्यो । सुपर सिक्स नपुगेको अफगानिस्तान र जिम्बावेलाई नेपालले पछि पारेको हो ।
विश्वकपमा नेपाल सम्मिलित सुपर सिक्सको समूह १ बाट भारत र पाकिस्तान सेमिफाइनलमा पुग्दा अर्को समूहबाट अष्ट्रेलिया र दक्षिण अफ्रीका अघि बढेका छन् ।
सेमिफाइनलमा भारत र दक्षिण अफ्रीका तथा पाकिस्तान र अष्ट्रेलिया खेल्दैछन् । फाइनल आइतबर हुनेछ ।
नेपाल यू-१९ टोलीका कप्तान देव खनाल र आकाश चन्दसँगै चोटका कारण विश्वकप जान नपाएका हेमन्त धामीले भने सिनियर टोलीबाट अवसर पाएका छन् ।
विस्तृतमा : ओडीआई डेब्यु नगरेका ४ युवा खेलाडी टोलीमा
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]