default_image

4 months ago

March 7, 2024

लगातार चौथो जितसँगै क्यानडा लिग-२ को शीर्षस्थानमा

1525 views

0 Bookmark

एजेन्सी – आइसीसी विश्वकप लिग-२ अन्तर्गत यूएईमा जारी त्रिकोणात्मक सिरिजमा लगातार चौथो जित दर्ता गर्दै क्यानडा अंक तालिकाको शीर्षस्थानमा उक्लिएको छ ।

विहीबार दुबई क्रिकेट रंगशालामा स्कटल्यान्डलाई ५ विकेटले पराजित गर्दै क्यानडा सिरिजको लगातार चौथो जित दर्ता गर्न सफल भयो । सिरिजअघि नेपाल भ्रमणका क्रममा नेपालको सिनियर टोली र नेपाल ‘ए’ सँग मैत्रीपूर्ण सिरिज खेलेर तयारी गरेको क्यानडाले उच्च प्रदर्शन गरेको हो ।

क्यानडाको जितमा हर्ष ठाकरले लगातार दोस्रो शतक प्रहार गर्दै टोलीको चौथो जित पक्का गरे । स्कटल्याण्डले प्रस्तुत गरेको १ सय ९८ रनको लक्ष्य क्यानडाले ४६ औं ओभरमा ५ विकेट गुमाएर पुरा गर्यो ।

एक समय क्यानडा ३४-४ को स्थितिमा थियो । तर हर्ष र निकोलस किर्तनले १ सय ९ रनको साझेदारी गर्दै टोलीलाई बलियो अवस्थामा पुर्याए । त्यसपछि हर्षले श्रेयस मोभासँग अर्को साझेदारी बुन्दै जित पक्का गरे ।

अघिल्लो खेलमा यूएईविरुद्ध नटआउट १ सय ११ रन जोडेका हर्षले स्कटल्यान्डविरुद्ध नटआउट १ सय ५ रन बनाए । ८ चौका र १ छक्का प्रहार गरेका उनलाई किर्तनले ६४ बलमा ३ चौकासहित ४४ रन बनाएर साथ दिए । त्यसअघि सृमन्त्थ विजयरत्ने (२), आरोन जोन्सन (१५), पर्गत सिंह (८) र नवनित धलिवल (१) ले खराब सुरुवात गरे ।

स्कटल्यान्डले ४७.३ ओभरमा अलआउट हुनुअघि १ सय ९७ रन जोडेको थियो । जर्ज मुन्से ३६, ब्रेन्डन मक्मुलेन ३३ र रिची बेरिंगटनले ३० रन बनाए । हर्षले बलिङतर्फ पनि ३ विकेट लिएका थिए ।

क्यानडाले पहिलो खेलमा यूएईलाई ३ विकेटले पराजित गरेको थियो । त्यसपछि स्कटल्यान्डलाई ७ विकेट र यूएईलाई ८ रनले हराएको थियो ।

क्यानडा ४ खेलमा ८ अंकसहित शीर्षस्थानमा छ । दोस्रो स्थानको नामिबियाले ६ अंक र तेस्रोको नेदरल्यान्ड्सले ४ अंक जोडेको छ । नेपाल र स्कटल्यान्डको २-२ अंक छ । यूएई अंकविहिन रहँदा ओमान र अमेरिकाले कुनै खेल खेलेका छैनन् ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.