सविता महिला लिगको सर्वोत्कृष्ट खेलाडी

काठमाडौं (हाम्रो खेलकुद)- एन्फा महिला लिगमा च्याम्पियन एपिएफ फुटबल क्लबकी सविता राना मगर सर्वोत्कृष्ट खेलाडी बनेकी छिन्।

साविताले १ लाख रुपैयाँ प्रदान गरियो। लेफ्ट विङ्गबाट खेल्ने सविताले लिग अवधिभर ११ गोल गरिन्। उनको नाममा १३ असिस्ट रहयो।

व्यक्तिगत अवार्डमा एपिएफको बाहुल्यता रह्यो। रश्मिकुमारी घिसिङ सर्वाधिक गोलकर्ता बनिन्। उनले कुल ३५ गोल गरिन्। उनले नगद ५० हजार हात पारिन्।

लिगमा एपिएफकी गोलकिपर सावित्री किसन उत्कृष्ट गोल किपर बनिन्। लिगको समापनमा उनलाई पनि ५० हजार रुपैयाँ प्रदान गरिएको छ। त्रिभुवन आर्मी फुटबल क्लब फेयर टिम बन्यो। आर्मीलाई १ लाख ५० हजार रुपैयाँ प्रदान गरिएको छ।