एजेन्सी – पाकिस्तानले पहिलो ओडिआईमा घरेलु टोली वेस्ट इण्डिजलाई ५ विकेटले हराएको छ।

बिहान ट्रिनिडाड एण्ड टोबागोमा शनिवार भएको पहिलो खेल जितेको पाकिस्तानले ३ ओडिआई सिरिजमा १-० को अग्रता बनाएको छ ।

२ सय ८१ रनको लक्ष्य पाकिस्तानले ४८.५ ओभरमा ५ विकेट गुमाएर पूरा गर्यो । पाकिस्तानको जितमा ‘प्लेयर अफ द म्याच’ हसन नवाज ५४ बलमा ५ चौका र ३ छक्कासहित ६३ रनमा अविजित रहे ।

कप्तान मोहम्मद रिजवान ६९ रनमा ४ चौकाको सहयोगमा ५३ रन बनाए । हुसेन तलत ३७ बलमा ४ चौका र १ छक्काको सहयोगमा ४१ रनमा अविजित जोडे ।

बाबर अजाम ६४ बलमा ४७, अब्दुल्हा शफिक ३३ बलमा २९ तथा सलमान आगा २६ बलमा २३ रनमा आउट भए ।

वेस्ट इण्डिजका लागि शेमार जोसेफले २ तथा जयडेन सेल्स, गुणकेश मोटी र रोस्टन चेसले समान १ विकेट लिए ।

त्यसअघि ब्रायन लारा स्टेडियममा टस हारेर ब्याटिङको निम्तो पाएको वेस्ट इण्डिज ४९ ओभरमा २ सय ८० रन बनायो ।

वेस्ट इण्डिजका लागि इभेन लुइसले ६२ बलमा ५ चौका र ३ छक्कासहित ६० रन बनाए ।

कप्तान शाई होपले ७७ बलमा ५५ र रोस्टन चेस ५४ बलमा ५३ रन जोडे । गुणकेश मोटीले १८ बलमा ३ चौका र २ छक्काको सहयोगमा ३१ रन बनाए।

शेरफन रादरफोर्डले १० रन, केसी कार्टीले ३९ बलमा ३ चौकाको सहयोगमा ३० रन जोडे।

पाकिस्तानका शाहिन शाह अफ्रिदीले ४, नसिम शाहले ३ तथा सैयम अयुब, सुफियान मुकिम र सलमान आगाले समान १ विकेट लिए । दोस्रो ओडिआई आइतवार बिहान हुनेछ ।