एजेन्सी – युएईमा जारी एसीसी टी-२० एसिया कपमा समूह ए बाट भारत एक खेल अगावै सुपर फोरमा पुगेकोछ । सोमबार राती घरेलु टोली युएईले ओमानलाई ४२ रनले हराएसँगै भारतको सुपर फोर यात्रा आधिकारीक रुपमा पक्का भएको हो ।

समूह ए मा भारत २ खेलमा ४ अंकका साथ शीर्ष स्थानमा छ । भारतले युएईलाई ९ विकेट र पाकिस्तानलाई ७ विकेटले हराएको थियो । अन्तिम खेल भारतले शुक्रबार ओमानसँग खेल्नेछ । ओमान भने सुरुवाती दुबै खेलमा हारका साथ सुपर फोर दौडबाट बाहिरिएको छ । अव समूह ए मा युएई र पाकिस्तान मध्य एक टोलीको मात्रै ४ अंकको सम्भावना हुँदा भारतको सुपर फोर पक्का बनेको हो । समुह विजेता वा उप विजेताको रुपमा सुपर फोर खेल्ने भने अन्तिम खेलको नतिजाले मात्रै निर्धारण गर्नेछ ।

पाकिस्तानले ओमानलाई ९३ रनले हराउँदा भारतसँग भने ७ विकेटले हार्न पुगेको थियो । उता युएई भारतसँग ९ विकेटले पहिला खेलमा हार्दा दोस्रोमा ओमानलाई ४२ रनले हरायो । समान दुई अंक भएपनि नेटरनरेटको कारण पाकिस्तान दोस्रो स्थानमा छ । पाकिस्तान र युएईले बुधबार दुबईमा प्रतिस्पर्धा गर्नेछन् । विजेता टोली सुपर फोरमा पुग्ने पक्का भएको हो ।

उता समूह बी को सुपर फोर भने अफगानिस्तान, श्रीलंका र बंगलादेशबीच रोमाञ्चक प्रतिस्पर्धा हुने अनुमान गरिएको छ । श्रीलॅका समुह बि मा २ खेलमा ४ अंकका साथ शिर्षस्थानमा छ । अफगानिस्तान १ खेलमा २ मा जित सहित दोस्रो स्थानमा छ । अफगानिस्तान र श्रीलॅकाले बिहिबार खेल्नेछन । बंगलादेश २ खेलमा २ अंकका साथ तेस्रो स्थानमा छ । बंगलादेश र अफगानिस्तान मंगलबार प्रतिस्पर्धा गर्दै छन । हङकङ भने सबै तिन खेलमा हार सहित बाहिरिएको छ ।

हरेक समूहका शीर्ष दुई टोली सुपर फोरमा पुग्नेछन् । सुपर फोरका शीर्ष दुई टोली फाइनल खेल्नेछन् । सुपर फोरमा सबै टोलीले एक अर्कासँग खेल्नेछन् । सुपर फोर २० सेप्टम्बरदेखि २६ सम्म चल्नेछ । फाइनल २८ सेप्टेम्बरमा हुनेछ ।