मस्कट (हाम्रो खेलकुद)- नेपालले आइसिसी पुरुष टि ट्वान्टी एसिया तथा इस्ट एसिया–प्यासिफिक छनोटको सुपर सिक्समा नेपालले संयुक्त अरब इमिरेट्स (युएई) लाई जितको लागि १ सय ४१ रनको चुनौती दिएको छ।

नेपालको लागि आदिफ शेखले अर्धशतक बनाए। ओमान क्रिकेट एकेडेमीको‌ मैदानमा कप्तान रोहित पौडेलले टस जितेर ब्याटिङको निर्णय गरे। नेपालले २० ओभरमा ६ विकेट गुमाउँदै १ सय ४० रन रन बनायो।

ओपनर कुशल भुर्तेल र आसिफले पहिलो पावर प्लेमा ४५ रन जोडे। नेपालले राम्रो सुरुवात गर्यो। पहिलो विकेटको लागि ५६ रनको साझेदारीपछि कुशल आउट भए। उनी २६ बलमा २ चौका र २ छक्का प्रहार गर्दै २८ रन जोडेर हर्षित कौशिकको बलमा एलबिडब्लु धरापमा परे।

त्यसपछि रोहित क्रिजमा छिरे। आसिफसँग मिलेर ३९ रनको साझेदारी गरेपछि रोहित २० रनमा आउट भए। मोहम्मद रोहिदको बलमा मोहम्मद फारूकको बलमा क्याच आउट भए।

त्यसपछि ४५ बलमस आसिफले अर्धशतक बनाए। उनी ४७ बलको सामना गर्दै ४ चौका र १ छक्का सहित ५१ रन जोडेर आउट भए। आसिफ धुव्र परासरको बलमा बोल्ड आउट भए। यतिखेर नेपालले १६ ओभरमा ३ विकेटको नोक्सानीमा १ सय ३ रन बनाएको थियो।

त्यसपछि बाँकी ४ ओभरमा नेपालले ३७ रन जोड्यो। दीपेन्द्र सिंह ऐरी मात्र १ ,गुलशन झा १४ र कुशल‌ मल्ल १० रनमा आउट भए। गुलशन ५ बलमा २ चौका र १ छक्का प्रहार गरे। सन्दीप जोरा ४ र सोमपाल कामी ६ रनमा अविजित रहे।

बलिङमा जुनेद सिद्दिकी, मोहम्मद रोसिद, जाहुद अलि, हैदर अलि, हरिश कौशिक र धुव्र परासरले १/१ विकेट लिए।

आज भएको पहिलो खेलमा ओमानले कतारलाई ३४ रनले हराउँदै महत्वपूर्ण दुई अंक जोडेको छ। ओमानले २० ओभरमा ६ बिकेट गुमाउँदै १ सय ७२ रन जोड्यो। १ सय ७३ रनको लक्ष्य पछाएको कतार २० ओभरमा ९ विकेट गुमाउँदै १ सय ३८ रनमा समेटियो।