मस्कट (हाम्रो खेलकुद)- आइसिसी पुरुष टि ट्वान्टी एसिया तथा इस्ट एसिया-प्यासिफिक छनोटको सुपर सिक्समा कतार विरूद्धको खेलमा नेपालका स्टार बलर सन्दीप लामिछाने प्लेयर अफ दि म्यान बनेका छन्।‌

५ रनको नाटकीय र अपत्यारिलो जितमा सन्दीपको बलिङ नै नेपालको जितको कारण बन्यो। सन्दीपले १० औं ओभरमा नेपाललाई ब्रेकथ्रु दिए।

ओपनर इमाल लियानागे र जुबेर अलि क्रिजमा जमे। ५ बलर दीपेन्द्र सिंह ऐरी, सोमपाल कामी, नन्दन यादव, गुलशन झा र रोहित पौडेलले यी दुईलाई आउट गर्न सकेनन्। ।

१० औं ओभरमा सन्दीपले यी दुईको ७६ रनको साझेदारी तोडे। इमाल ५६ रनमा आउट भए। सन्दीपको यो २ सय ५० औं अन्तर्राष्ट्रिय विकेट हो। नेपालको लागि दोस्रो विकेट पनि सन्दीपले लिए। मुहम्मद असिमलाई १० रनमा आउट गरे। नेपालको लागि पाँचौ विकेट पनि सन्दीपले लिए। उनले साहजेब जानिललाई आउट गरे।

यसपछि अन्तिम ओभर निकै महत्वपूर्ण थियो। नेपाल दबाबमा थियो। कतारलाई जितको लागि ६ बलमा १० रन जरुरी थियो। यो स्थितिमा सन्दीपले मात्र ४ रन दिएर २ विकेट लिए। यो सँगै नेपाल ५ रनको जित निकाल्न सफल रहयो। सन्दीपले ३.५ ओभरमा १८ रन दिएर ५ विकेट लिए।

यो खेलमा लिएको ५ विकेटसँगै उनको अन्तराष्ट्रिय विकेट सङ्ख्या २ सय ५४ पुगेको छ। उनले ओडिआई र टिब-ट्वान्टी आईमा समान १ सय २७ विकेट लिएका छन्। उनले ६२ ओडिआई र ६६ टि-ट्वान्टी आई खेलेका छन्।

प्लेयर अफ दी म्याचको अवार्डपछि सन्दीपले भने ‘१० ओभरपछि निरन्तर अन्तरालमा विकेट गएको र आदिल‌ र दीपेन्द्रले दुई खेलाडीलाई रन आउट गर्नु महत्वपूर्ण रहेको भन्दै टिमले चाहेको बेला र देशले चाहेको बेला मैले मेरो टिम र देशको लागि खेल्नुपर्छ ।’

साथै उनले कप्तान रोहितको अर्धशतक पनि जितको कारण रहेको बताए। नेपालले २० ओभरमा ९ विकेट गुमाएर १ सय ४७ रन बनाएको थियो।