काठमाडौ (हाम्रो खेलकुद)- कर्णाली याक्सलाई
नेबिको लिमिटेडले सह प्रायोजन गरेको छ ।

याक एण्ड यति होटलमा आज आयोजित कार्यक्रममा कर्णाली याक्स स्पोर्ट्स प्रा.लि.का निर्देशक गृहेन्द्र घिमिरे र नेबिकोका अशोक पोखरेल सम्झौता पत्रमा हस्ताक्षर गरे ।

सम्झौता कार्यक्रमा नेबिकोका सिइओ होम न्यौपाने र मार्केटिङ हेड अरुन पौडेल तथा कर्णाली याक्सका कन्सल्ट्यान्ट प्रशिक्षकमा राजु बस्नेत उपस्थित थिए ।

कर्णालीका निर्देशक घिमिरेले देशको विषम परिस्थितिमा क्रिकेटले नेपालीलाई जोड्ने काम गरिरहेको बताउँदै नेपाल प्रिमियर लिग (एनपपि) को दोस्रो संस्करण हुन लागेकाेमा खुसी व्यक्त गरे । यस्तै घिमिरेले नबिकोसँगको सहकार्यले टोलीको हौसला बढेको बताए ।

नेबिकोका सिइओ न्यौपानेले नेपाली क्रिकेटको भविस्य उज्वल रहेको र कर्णालीमार्फत एनपिएलसँग जोडिन पाउँदा हर्षित भएको बताए।

सन् १९६४ देखि बिस्कुट, कुकिजजस्ता खाद्यन्न उत्पादन गरिरहेको नेबिकोको गुल्कोज, कोकोनट बिस्कुट लगातयका उत्पादन छन् ।
गत वर्ष भएको पहिलो संस्करणमा कर्णाली याक्सले दोस्रो क्वालिफायरसम्मको यात्रा तय गरेको थियो ।
दोस्रो संस्करणमा पनि कर्णालीले ज्ञानेन्द्र मल्ललाई प्रशिक्षक र बस्न्यातलाई कन्सल्ट्यान्ट प्रशिक्षकमा निरन्तरता दिएको छ।
यस्तै, कर्णालीले मार्की सोमपाल कामीसँगै गुलशनन झा, नन्दन यादव, विपिनप्रसाद शर्मा, दीपेन्द्र रावत, अर्जुन घर्ती र युनिससिंह ठकुरीलाई रिटेन गरेको थियो।