एजेन्सी – न्युजिल्यान्ड र इंग्ल्यान्डबीचको तेस्रो टि ट्वान्टी क्रिकेट खेल वर्षाको कारण रद्द भएको छ। खेल रद्द भएपछि इंग्ल्यान्डले सिरिज १-० ले जित्यो।

खेलमा जम्मा ३.४ ओभर मात्रै खेल्न सम्भव भयो। त्यसबेला न्युजिल्यान्डले ३८ रनमा एक विकेट गुमाएको थियो।

खराब मौसमका कारण न्युजिल्यान्डका धेरै क्षेत्रमा बिजुली र यातायात प्रभावित भयो। सबैभन्दा बढी असर अकल्यान्डको दक्षिणमा परेको छ।

इंग्ल्यान्डका ब्राइडन कार्सले टिम रोबिन्सनलाई आउट गरे । टिम सिफर्टले ११ बलमा २ छक्कासहित अविजित २३ रन बनाए।

पहिलो खेल पनि वर्षाका कारण रद्दभएको थियो। दोस्रो खेलमा इंग्ल्यान्डले उत्कृष्ट प्रदर्शन गर्दै ६५ रनको जित हात पारेको थियो।

योसँगै ह्यारी ब्रुकको कप्तानीमा इंग्ल्यान्डले पहिलो विदेश सिरिज जित हासिल गर्‍यो। उनले कप्तान बनेदेखि खेलिएका आठ टि ट्वान्टी मध्ये ७ मा जित निकालेका छन्।

तर यो वर्षाको कारणले ब्रुकलाई आगामी फेब्रुअरीमा हुने टि ट्वान्टी विश्वकपअघि टोली तयारी गर्न पर्याप्त समय दिएन। अब इंग्ल्यान्डले जनवरी ३० देखि श्रीलंकाविरुद्ध तीन टि ट्वान्टी खेल्नेछ।

त्यसअघि आइतबारदेखि न्युजिल्यान्डविरुद्ध ३ ओडिआई सिरिज सुरु हुनेछ। जो रुट, बेन डकेट, जोफ्रा आर्चर र जेमी स्मिथ टोलीमा फर्किनेछन्। आर्चर भने पहिलो खेलमा विश्राम दिइएको छ।