काठमाडौं (हाम्रो खेलकुद) – चौथो संस्करणको सेञ्चुरी बैंक कर्पाेरेट सुपर सिक्सेस क्रिकेट प्रतियोगितामा २४ टोलीले सहभागिता जनाउने भएका छन् ।
एस एस इभेन्ट्सको आयोजनामा हुने सुपर सिक्सेस प्रतियोगितामा सहभागी टोलीलाई आठ समूहमा विभाजन गरिएको छ । हरेक समूहमा ती कर्पाेरेट टिमहरु रहेका छन् । शुक्रबार नै टाइसिट सार्वजनिक गरिएको थियो ।
प्रतियोगिता कात्तिक २१ गतेबाट २५ गतेसम्म कीर्तिपुरस्थित त्रिवि क्रिकेट मैदानमा हुनेछ । लिग कम नकआउटको आधारमा हुने प्रतियोगिताको हरेक समूहको शीर्ष दुई टोली प्रि–क्वार्टरफाइनलमा प्रवेश गर्नेछन् ।
प्रतियोगिताको विजेताले ट्रफीसहित आकर्षक गिफ्टका साथै अर्काे वर्षको प्रतियोगितामा नि:शुल्क प्रवेश पाउनेछन् । उपविजेताले पनि ट्रफीसँगै गिफ्ट ह्याम्पर प्राप्त गर्नेछन् ।
प्रतियोगिताको सर्वाेत्कृष्ट खेलाडीले ट्रफी र गिफ्ट ह्याम्पर तथा उत्कृष्ट ब्याट्सम्यान, बलर, फिल्डर, विकेट किपर, सर्वाधिक छक्का प्रहार गर्ने खेलाडीहरुले आकर्षक पुरस्कार प्राप्त गर्नेछन् । त्यस्तै हिट दि बोर्ड र फेयर प्ले टिम पनि पुरस्कृत हुनेछन् ।
सेञ्चुरी बैंक गत संस्करणको विजेता हो ।
समूह विभाजन
समूह ‘ए’– नेपाल एसबिआई बैंक, इम्पोई प्रोभिडेण्ट फण्ड र कैलाश बिकास बैंक
समूह ‘बी’– सुर्य नेपाल, सिप्रदी र प्रभु बैंक
समूह ‘सी’– नेपाल टेलिकम, आइसीएफसी फाइनान्स र आइएमई
समूह ‘डी’– माछापुच्छ्रे बैंक, सेञ्चुरी बैंक र अन्नपूर्ण मिडिया नेटवर्क
समूह ‘ई’– नबिल बैंक, एनसीसी बैंक र ओम डेभलपमेन्ट बैंक
समूह ‘एफ’– एनएमबी बैंक, रमन जनरल र कुमारी बैंक
समूह ‘जी’– एनआइसी एसिया बैंक, सिभिल बैंक र सांग्रिला स्पिरिट्स
समूह ‘एच’– जनता बैंक, सुनवी डिजाइन र मेघा बैंक
