default_image

6 years ago

January 30, 2018

पहिलो अभ्यास खेलमा नेपालको जित, युएई २५ रनले पराजित

काठमाडौं (हाम्रो खेलकुद) – आइसीसी विश्व क्रिकेट लिग डिभिजन २ को तयारीमा रहेको नेपाली राष्ट्रिय टोलीले पहिलो अभ्यास खेलमा युएई ‘ए’ लाई २५ रनले पराजित गरेको छ । २ सय ४७ रनको लक्ष्य पछ्याएको युएई ४८.४ ओभरमा २ सय २१ रनमै अलआउट हुन पुग्यो । घरेलु टोलीलाई रोक्न नेपालका लागि पारस खड्काले ५ विकेट लिँदै […]

32 views

0 Bookmark

काठमाडौं (हाम्रो खेलकुद) – आइसीसी विश्व क्रिकेट लिग डिभिजन २ को तयारीमा रहेको नेपाली राष्ट्रिय टोलीले पहिलो अभ्यास खेलमा युएई ‘ए’ लाई २५ रनले पराजित गरेको छ ।

२ सय ४७ रनको लक्ष्य पछ्याएको युएई ४८.४ ओभरमा २ सय २१ रनमै अलआउट हुन पुग्यो । घरेलु टोलीलाई रोक्न नेपालका लागि पारस खड्काले विकेट लिँदै उत्कृष्ट बलिङ गरे । त्यस्तै दिपेन्द्र ऐरीले ३ महत्त्वपूर्ण विकेट लिँदै नेपालको जितको सम्भावना अझै बलियो बनाएका थिए । त्यस्तै करन केसी र ललित भण्डारीले पनि एकएक विकेट लिएका थिए ।

युएईले बिना क्षति ८७ बनाए पनि त्यसपछी दिपेन्द्र र पारसले युएईको टप अर्डर ध्वस्त बनाएका थिए । युएईका ओपनर फहाद नवाजले ३६ रन बनाएका थिए भने अर्का ओपनर चिराग सुरीले ४५ रनको योग्दान दिए । पारीको अन्तिममा निल लोबोले ५९ रनको राम्रो पारी खेल्दै युएईको पारी उकास्न खोजे पनि उनी सफल भएनन् ।

यसअघि टस जितेर ब्याटिङ रोजेको नेपालले ४९.३ ओभरमा अलआउट हुँदै २ सय ४६ रनको योगफल तयार पार्न सफल भएको थियो । नेपालका लागि ओपनर दिलिप नाथले टोलीलाई राम्रो सुरुवात दिलाए पनि मध्यपंक्ति ब्याटिङमा केहि कमजोर देखिएको थियो । दिलिपले ६० बलमा ६१ रनको राम्रो पारी खेलेका थिए । त्यस्तै अर्का ओपनर तथा उपकप्तान ज्ञानेन्द्र मल्ल भने १८ रनमा आउट भएका थिए ।

दिलिपले दोस्रो विकेटका लागि अनिल कुमार शाहसँग मिलेर ६० रनको साझेदारि गरेका थिए । अनिल ५२ बलमा ३१ रन बनाउँदै आउट भएका थिए । कप्तान पारस खड्का २० रन बनाउँदै पभेलियन फर्केका थिए भने आरिफ शेख र दिपेन्द्र ऐरी समान २ रन बनाउँदै आउट भएका थिए ।

नेपालको एक समय ६ विकेटको क्षतिमा १ सय ३६ रन थियो । तर टिममा डेब्यु गरिरहेका रोहित पौडेल र वसन्त रेग्मीले नेपालको पारी उकासेका थिए । वसन्त र रोहित मिलेर सातौं विकेटका लागि ४५ रन जोडेका थिए । वसन्त २१ रनमा आउट भएका थिए ।

त्यसपछि क्रिजमा आएका करन केसीले १६ बलमा आक्रामक ३५ रन जोड्दै रोहितको राम्रो साथ दिएका थिए । रोहितले राम्रो प्रदर्शन गर्दै अन्तिम ओभरमा आउट हुनुअघि ४३ रन जोड्न सफल भएका थिए । आज नेपालले सन्दिप लामिछाने, शरद भेषवाकर र सोमपाल कामीलाई विश्राम दिएको थियो ।

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.