काठमाडौं (हाम्रो खेलकुद) – विश्वकप छनोट चरणको तेस्रो खेलमा अफगानिस्तान विरुद्ध कप्तान पारस खड्काले अर्धशतक पुरा गरेका छन् । अघिल्लो दुई खेलमा पनि राम्रो प्रदर्शन गरेका पारसले आज पनि अर्धशतक बनाए । पहिलो खेलमा जिम्बावेविरुद्ध ४० रन बनाएका पारसले दोस्रो खेलमा स्कटल्याण्ड विरुद्ध ६३ रनको योगदान दिएका थिए ।
तस्बिर : आईसिसी, अघिल्लो खेलमा स्कटल्याण्ड विरुद्ध अर्धशतक बनाएपछि कप्तान पारस ।
टस जितेर पहिले ब्याटिंग रोजेको नेपालका लागि ओपनर अनिल शाह ७ रनमा आउट भएपछि आएका पारसले ५४ बलमा ७ चौका र १ छक्का प्रहार गर्दै अर्धशतक पुरा गरेका हुन् । पारसले २२ औं ओभरको पहिलो बलमा राशिद खानलाई चौका प्रहार गर्दै ५३ रन बनाएका थिए । उनी ५८ रनमा अविजित छन् ।
उनलाई उपकप्तान ज्ञानेन्द्र मल्लले १९ रनमा साथ् दिंदै छन् । ज्ञानेन्द्रले ५८ बलको सामना गरेका हुन् ।
नेपाल हाल २२ ओभरको अन्त्यमा १ विकेट गुमाउँदै ८७ रन बनाउन सफल भएको छ ।
