6 years ago
March 22, 2018
जिम्बावे (एजेन्सी) – पूर्व विजेता वेष्ट इन्डिज आईसीसी एक दिवसीय विश्वकप क्रिकेटका लागि छनोट भएको छ । जिम्बावेमा जारी विश्वकप छनोटमा बुधबार स्कटल्याण्डलाई डकवर्थ एण्ड लुइसको आधारमा ५ रनले हराउँदै वेष्ट इन्डिजले विश्वकपमा स्थान सुरक्षित गरेको हो ।
सन् २०१९ मा हुने एक दिवसीय विश्वकप का लागि बुधवार भएको खेलमा टस हारेर ब्याटिङको निम्तो पाएको वेष्ट इन्डिजले ४८.४ ओभरमा अलआउट हुँदै १ सय ९८ रन बनाएको थियो । टोलीका लागि लागि इभिन लुइस र मार्लोन स्यामुयल्सले अर्धशतक पुरा गरेका थिए । लुइसले ६६ तथा स्यामुयल्सले ५१ रन बनाए । यस्तै कार्लोस ब्रेथवेटले २४ रन जोडे ।
जवाफमा स्कटल्याण्ड ३५.२ ओभरमा ५ विकेटको क्षतिमा १ सय २५ रन बनाउँदाको अवस्थामा वर्षा सुरु भएको थियो । बर्षाका कारण खेल पुनः सुरु हुन नसकेपछि डकवर्थको नियम अनुसार वेष्ट इन्डिज ५ रनले विजयी भएको थियो । स्कटल्याण्डलाई जित दिलाउने प्रयासमा रिची बेरिङटोनले ३३ तथा जर्ज मुन्सेले ३२ रन बनाएका थिए । हारसँगै स्कटल्याण्ड विश्वकपमा छनोट हुन असफल भएको छ ।
विश्व कप छनोटको सुपरसिक्समा रहेका अन्य चार टोली मध्ये तीन टोलीसँग अर्को वर्ष हुने विश्व कपका लागि स्थान सुरक्षित गर्ने अवसर रहेको छ । जसमा जिम्बावे, अफगानिस्तान र आयरल्याण्ड छन् । सोही विश्व कप छनोटको सुपर सिक्समा पुग्न असफल रहेपनि नेपाल चार वर्षका लागि एक दिवसिय मान्यता पाउँदै स्वदेश फर्किसकेको छ ।
May 20, 2024
काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]
May 20, 2024
एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]
May 19, 2024
काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]