7 years ago
August 8, 2018
काठमाडौं (हाम्रो खेलकुद)– एसिया कप छनोटको तयारीमा रहेको नेपाली राष्ट्रिय क्रिकेट टोली लाई ब्याटिङ प्रशिक्षण दिन भारतीय ब्याटिङ प्रशिक्षक अपुर्व देशाई नेपाल आउने भएका छन् ।
भारतीय क्रिकेट टोली र आइपीएल टोली कोलकता नाइट राइडर्सलाई प्रशिक्षण दिइसकेका अपुर्व देशाईं नेपाल आउन लागेको नेपाली टोलीका जगत टमाटाले जानकारी गराए ।
‘हामीले आइसीसीलाई ब्याटिङ कन्सलटेन्ट आवश्यक रहेको आग्रह गरेका थियौ । आइसीसीबाट देशाईंको नाम अप्रुभ भएको छ ’ प्रशिक्षक टमाटाले भने, ‘उनी केही दिनमा नै नेपाल आउने छन् । हामी अब दुई दिनपछि एसिया कपको छनोटको लागि प्रशिक्षण थाल्नेछौं ।’
यसअघि नेपालको ब्याटिङलाई सहयोग गर्न भारतबाट मोन्टी देशाईं, उमेश पटवाल र सुलक्षण कुलकुर्णी नेपाल आएका थिए ।देशाईं भारतीय क्रिकेट बोर्ड (बिसिसिआई) को नेशनल क्रिकेट एकेडेमी (एनसिए) बाट मान्यता प्राप्त लेभल ‘सी’ प्रशिक्षक हुन् । उनले गुजरातका लागि फस्ट क्लास क्रिकेट खेलेका छन् ।
भदौ १३ देखि २१ गते सम्म मलेसियामा हुने एसीसी एसिया कपको छनोटमा नेपालसहित ६ टिमको सहभागिता छ । छनोट प्रतियोगितामा ६ टिमबीच प्रतिस्पर्धा हुनेछ । युएई, हङकङ, नेपाल, सिंगापुर, मलेसिया र ओमानबीच प्रतिस्पर्धा हुनेछ ।
प्रतियोगिताको विजेता टिम एसिया कपका लागि छनोट हुनेछ । ६ टिममध्ये छनोट पार गर्ने एक टिम भदौ ३० देखि युएईमा हुने एसिया कपमा छनोट हुनेछ । छनोट हुने टिम भारत र पाकिस्तान रहेको समूहमा पर्नेछ ।
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
December 15, 2025
काठमाडौं (हाम्रो खेलकुद) – नेपाली युवा क्रिकेट टोलीले आज १२ औं एएफसी यु-१९ एसिया कपमा साविक विजेता बंगलादेशको सामना गर्दैछ। खेल नेपाली समयअनुसार बिहान १०:४५ बजे सुरु हुनेछ। एएफसी यु १९ प्रिमियर कपको उपविजेता बन्दै नेपाल एसिया कपका लागि छनोट भएको थियो। जारी एसिया कपको पहिलो खेलमा नेपाली टोली ८ विकेटले पराजित भएको थियो। नेपालले २८.५ […]
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
