7 years ago
August 9, 2018
काठमाडौं (हाम्रो खेलकुद) – भारतमा हुने यू–१९ एक दिवसीय क्रिकेट श्रृखंला र बंगलादेशमा हुने एसीसी एसिया कपका लागि नेपाली टोलीको खेलाडी छनोट खुल्ला प्रतिस्पर्धाबाट गरिने भएको छ ।
पत्रकार सम्मेलनमा यू १९ राष्ट्रिय क्रिकेट टोलीका मुख्य प्रशिक्षक विनोद दास ।
नेपाली यु–१९ टोलीका प्रशिक्षक विनोद दासले बिहिबार पत्रकार सम्मेलनको आयोजना गर्दै भारतमा हुने प्रतियोगिताका साथै एसिया कपका लागि खुला प्रतिस्पर्धामार्फत पनि खेलाडी छनोट गर्न लागिएको जानकारी दिए ।
‘हामीलाई भारतले सिरिज खेल्नको लागि निम्तो दिएको छ । हामी खेल्न तयार छौं । तर, नेपालमा बोर्ड या नेपाल क्रिकेट संघ (क्यान) नहुदा आइसीसीकै भरमा चल्नुपर्दा केही ढिला हुन सक्नेछ । त्यसैले हामीले तयारी थाल्नका लागि खुल्ला छनोट गर्न लागेका हौं ’ प्रशिक्षक दासले पत्रकार सम्मेलनमा भने, ‘साउन २८, २९ र ३० गते तीन दिनसम्म काठमाडौंस्थित रातोपुलमा रहेको भेलोसिटी एरिनामा खुल्ला छनोट हुनेछ । यसरी खुल्ला छनोटबाट आएका ९ जना खेलाडीले यु–१९ टिममा स्थान बनाउनेछन् ।’
खुल्ला छनोटबाट छानिएका ९ जना, प्रत्येक प्रदेशबाट तीन÷तीन जना गरी २१ जना, यु–१६ राष्ट्रिय टिमका १४ खेलाडीसहितको क्याम्पबाट १२ जना छनोट हुने प्रशिक्षक दासले बताए । प्रशिक्षक दासका अनुसार क्याम्पमा यु–१९ राष्ट्रिय टिमबाट खेलेका खेलाडीलाई समावेश गरिने छैन ।
सुरुवाती क्याम्पबाट छनोट भएका १२ खेलाडी र यू–१९ टिमबाट खेलेका तर राष्ट्रिय टोलीमा नपरेका ७ खेलाडीसहित १९ जनाको दोस्रो क्लोज क्याम्प गरिनेछ । प्रशिक्षक दासले भारतमा हुने सिरिज एसिया कपको लागि फलदायी हुने बताए ।
भारतको कोलकातामा हुने प्रतियोगितामा भारत र अफगानिस्तानका साथै भारतकै नेशनल क्रिकेट एकेडेमी (एनसीए) को यू–१९ टोली छ । प्रतियोगिता सेप्टेम्बर ९ देखि २० सम्म हुँदैछ । यसका लागि आफूले आईसीसी र एसीसीसँग प्रस्ताव गरेको र छिटै स्वीकृत हुने विश्वास रहेको प्रशिक्षक दासले बताए ।
भारतमा हुने सिरिज र एसिया कपपछि हुने यु–१९ विश्वकप छनोटमा फेरि खेलाडी छनोट हुने गरिने प्रशिक्षक दासले बताए । सिरिजको पहिलो खेलमा नेपालले सेप्टेम्बर १२ मा एनसीएसँग जादभपुर युनिभर्सिटीको मैदानमा खेल्नेछ । यस्तै सेप्टेम्बर १४ मा नेपालले भारतसँग इडेन गार्डेन्समा खेल्नेछ । नेपालले अन्तिम खेलमा अफगानिस्तानसँग सेप्टेम्बर १६ मा खेल्नेछ ।
एसिया कप अक्टोबरमा बंगलादेशमा हुँदैछ । जसमा नेपाल, भारत, पाकिस्तान, श्रीलंका, हङकङ, बंगलादेश, युएई र अफगानिस्तान गरी ८ टोलीले खेल्नेछन् । गतबर्ष मलेसियामा आयोजना भएको यू–१९ एसिया कप सेमिफाइनलमा पुगेसँगे एसिया कपलाई छनोट भएको थियो । मलेसियामा नेपालले भारतलाई हराएर सनसनी मच्चाएको थियो ।
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
December 15, 2025
काठमाडौं (हाम्रो खेलकुद) – नेपाली युवा क्रिकेट टोलीले आज १२ औं एएफसी यु-१९ एसिया कपमा साविक विजेता बंगलादेशको सामना गर्दैछ। खेल नेपाली समयअनुसार बिहान १०:४५ बजे सुरु हुनेछ। एएफसी यु १९ प्रिमियर कपको उपविजेता बन्दै नेपाल एसिया कपका लागि छनोट भएको थियो। जारी एसिया कपको पहिलो खेलमा नेपाली टोली ८ विकेटले पराजित भएको थियो। नेपालले २८.५ […]
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
