6 years ago
September 14, 2018
लन्डन (एजेन्सी) – भारतीय क्रिकेटका लेजेण्ड सचिन तेन्दुलकरले विश्व क्रिकेटबाट बिदा लिएको ५ वर्ष भइसकेको छ । त्यसयता वर्तमान क्रिकेटमा रहेका ३ खेलाडीको उनको रेकर्ड तोड्न सक्ने आंकलन गरिंदै आएको छ । अन्तर्राष्ट्रिय क्रिकेटबाट सचिनको सन्यासपछि दक्षिण अफ्रीकाका ज्याक क्यालिसले सचिनको रेकर्ड तोड्न सक्ने सम्भाव्य खेलाडीको रुपमा हेरिएको थियो । तर उनले पनि सचिनले छाडेपछि […]
लन्डन (एजेन्सी) – भारतीय क्रिकेटका लेजेण्ड सचिन तेन्दुलकरले विश्व क्रिकेटबाट बिदा लिएको ५ वर्ष भइसकेको छ । त्यसयता वर्तमान क्रिकेटमा रहेका ३ खेलाडीको उनको रेकर्ड तोड्न सक्ने आंकलन गरिंदै आएको छ ।
अन्तर्राष्ट्रिय क्रिकेटबाट सचिनको सन्यासपछि दक्षिण अफ्रीकाका ज्याक क्यालिसले सचिनको रेकर्ड तोड्न सक्ने सम्भाव्य खेलाडीको रुपमा हेरिएको थियो । तर उनले पनि सचिनले छाडेपछि लामो समय क्रिकेट खेल्न सकेनन् । दक्षिण अफ्रिकाका स्टार सचिनभन्दा रनको मामलामा २७०० रन पछि थिए भने उनको नाममा सचिनको भन्दा ६ शतक कम रहेको थियो ।
सचिनको रेकर्ड तोड्न सक्ने अर्का खेलाडीको रुपमा श्रीलंकाका कुमार संगाकारालाई पनि हेरिएको थियो । सन् २०१२ को बक्सिंग डे टेस्टमा उनले आफ्नो करियरको १० हजार रन पुरा गरेका थिए । सचिनले सन्यास लिने समयमा संगाकारा सचिनभन्दा ५ हजार ४ सय ३५ रन पछि रहेका थिए । उनी सो समय उत्कृस्ट लयमा रहेपनि उनले सन् २०१५ को एक दिवसीय विश्वकपपछि अन्तर्राष्ट्रिय क्रिकेटबाट बिदा लिए ।
इंग्ल्याण्डमा जति नै लोकप्रिय र महान् खेलाडी भएपनि एक-दुई पटकको निराशाजनक प्रदर्शनपछि खेलाडीलाई टोलीबाट निकाल्ने संस्कृति रहेको छ । तर त्यस्तो संस्कृतिका बीच समेत १२ हजार रन बनाउनुमा नै एलेस्टर कुकको महानता झल्किन्छ । कुक, सचिन र क्यालिस जस्तो टेक्निकल ब्याट्सम्यान नभएपनि उनको रन प्रतिको भोकले उनलाई महान् बनायो । सन् २०१६ मा कुकले ३१ बर्षको उमेरमा १० हजार रन पुरा गरेका थिए । तर सन् २०१६ मा भारतविरुद्ध ४-० ले सिरिज हारेपछि उनको खराब समय सुरु भयो । उनको कप्तानीमाथि प्रश्न चिन्ह उठ्न थालेपछि कप्तानीबाट पछि हट्नुको विकल्प रहेन ।
उनले भारतको सो भ्रमणपछि दुई दोहोरो शतक जोड्न बाहेक खासै उल्लेख्य प्रदर्शन गर्न सकेनन् । कप्तानीबाट आफू पछि हटेपछि उनले मात्र ३३ को औसतमा रन बनाउन सके । उनीसंग सचिनको रेकर्ड तोड्नका लागि उमेर पर्याप्त थियो तर आफ्नो ओरालो लागेको प्रदर्शनका कारण उनले सन्यासको घोषणा गरे । लयमा रहेको अवस्थालाई निरन्तरता दिएको भए कुकले सचिनको टेस्टमा सर्वाधिक रन जोड्ने कीर्तिमानलाई चुनौती दिन सक्थे । तर कुकले इंग्ल्यान्ड क्रिकेटबाट सन्न्यास लिने निर्णय उचित ठान्दै त्यसलाई निरन्तरता दिए ।
करिअर तथ्यांक:
सचिन तेन्दुलकर : २ सय खेल, ३ सय २९ इनिङ, १५ हजार ९ सय २१ रन, शतक ५१, अर्धशतक ६८
रिकी पोन्टिङ : १ सय ६८ खेल, २ सय ८७ इनिङ, १३ हजार ३ सय ७८ रन, शतक ४१, अर्धशतक ६२
ज्याक कालीस: १ सय ६६ खेल, २ सय ८० इनिङ, १३ हजार २ सय ८९ रन, शतक ४५, अर्धशतक ५८
राहुल द्रविड : १ सय ६४ खेल, २ सय ८६ इनिङ, १३ हजार २ सय ८८ रन, शतक ३६, अर्धशतक ६३
एलेस्टर कुक : १ सय ६१ खेल, २ सय ९१ इनिङ, १२ हजार ४ सय ७२ रन, शतक ३३, अर्धशतक ५७
कुमार संगकारा : १ सय ३४ खेल, २ सय ३३ इनिङ, १२ हजार ४ सय रन, शतक ३८, अर्धशतक५२
April 17, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत समूह चरणको आफ्नो अन्तिम खेलमा नेपालले साउदी अरब विरुद्ध मध्यम लक्ष्य पाएको छ । अल अमेरातमा पिच भिजेका कारण ढिलो सुरु भएको खेल ८ ओभरमा घटाइएको खेलमा टस हारेर पहिले ब्याटिङ गरेको साउदीले निर्धारित ८ ओभरमा ६ विकेट गुमाउँदै ७३ रन बनायो । साउदी अरबका […]
April 17, 2024
मस्कट (हाम्रो खेलकुद) – हङकङले मलेसिया माथि सानदार जित दर्ता गरेसँगै कतार ओमनमा जारी एसीसी प्रिमियर कपबाट बाहिरिएको छ । हङकङले बुधबार मलेसिया विरुद्ध ७ विकेटको जित संगै कतार बाहिरिएको हो । मलेसियाले दिएको १ सय ४१ रनको मध्यम लक्ष्य हङकङले १२.१ ओभरमै ३ विकेट मात्र गुमाएर भेटायो । ४ खेलमा ४ अंक भएको हङकङको […]
April 17, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत समूहको अन्तिम खेलमा नेपालले साउदी अरबको सामना गर्दैछ । वर्षाको प्रभावले केही ढिलो भएको खेल नेपाली समयअनुसार दिउँसो २:१५ बजे सुरु हुँदैछ । पिच भिजेको कारण ढिलो सुरु हुन लागेको खेल ८ ओभरको हुनेछ । नेपालका कप्तान रोहित पौडेलले टस जितेर पहिलो फिल्ड गर्ने निर्णय […]