6 years ago
September 16, 2018
काठमाडौं (हाम्रो खेलकुद)– नेपाल यू–१९ राष्ट्रिय टिमले भारतको लखनउमा भएको चार टोलीबीचको एक दिवसीय सिरिज अन्तर्गतको अन्तिम खेलमा जित हात पारेको छ । अघिल्ला दुई खेलमा भारत यु–१९ को ‘बी’ र ‘ए’ टिमसँग पराजित भएको नेपाल यु–१९ टिमले आइतबार अन्तिम खेलमा अफगाानिस्तानको यु–१९ टिमलाई २५ रनले पराजित गरेको हो । नेपालले दिएको १ सय ९० […]
काठमाडौं (हाम्रो खेलकुद)– नेपाल यू–१९ राष्ट्रिय टिमले भारतको लखनउमा भएको चार टोलीबीचको एक दिवसीय सिरिज अन्तर्गतको अन्तिम खेलमा जित हात पारेको छ । अघिल्ला दुई खेलमा भारत यु–१९ को ‘बी’ र ‘ए’ टिमसँग पराजित भएको नेपाल यु–१९ टिमले आइतबार अन्तिम खेलमा अफगाानिस्तानको यु–१९ टिमलाई २५ रनले पराजित गरेको हो ।
नेपालले दिएको १ सय ९० रनको लक्ष्य पछ्याएको अफगानिस्तान ४७.४ ओभरमा सबै विकेट गुमाएर १ सय ६४ रनमा समेटियो । राम्रो शुरुवात गरेको अफगानिस्तानका लागि इज्जा अहमदले ५७ रनको अर्धशतकीय इनिङ्स खेलेपनि अन्य ब्याट्सम्यानले नेपालको कसिलो बलिङमा राम्रो प्रदर्शन गर्न नसक्दा पराजित हुन पुग्यो ।
अफगानिस्तानलाई सस्तैमा समेट्न सागर ढकालले उत्कृष्ट बलिङ गरे । १० ओभर बलिङ गरेका उनले ३ ओभर मेडन राखेर मात्र २९ रन खर्चिदै ४ विकेट लिए । कमलसिंह ऐरी र राशिद खानले समान समान २ विकेट लिए । यसअघि टस हारेर पहिले ब्याटिङ गरेको नेपालले ४९ ओभर ३ बलमा सबै विकेट गुमाएर १ सय ८९ रनको सम्मानजनक योगफल तयार पारेको थियो ।
नेपालका लागि पवन सर्राफले अविजित ७८ रनको इनिङ्स खेले । ५४ रन बनाउँदा ४ विकेट गुमाएको अवस्थामा नेपालको इनिङ्स पवनले समहालेका थिए । सातौ नम्बरमा आएका पवनले उत्कृष्ट ब्याटिङ गर्दै ९६ बलमा १० चौका र १ छक्का प्रहार गर्दै ७८ रन बनाए । सुन्दीप जोराले २८ र राशिद खानले २४ रन बनाए ।
अफगानिस्तानका लागि नविद कविरले ३ विकेट लिए । सिरिजमा भारतको ‘ए’ र ‘बी’, नेपाल र अफगानिस्तानका चार टोलीले प्रतिस्पर्धा गरेका थिए । यो प्रतियोगिता आगामी सेप्टेम्बर २९ देखि बंगलादेशमा हुने यू–१९ एसिया कपको तयारीको रुपमा हेरिएको छ ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]