7 years ago
September 27, 2018
काठमाडौँ(हाम्रो खेलकुद)- अर्को महिना पोखरामा पोखरा रंगशालामा आयोजना हुने पोखरा प्रिमियर लिग (पीपीएल) टी–२० क्रिकेट प्रतियोगिताको लागि सहभागी टिम,मालिक र मार्की खेलाडीको घोषणा गरिएको छ ।
तस्बिरहरु : विवेक सुवेदी/हाम्रो खेलकुद
बिहीबार (आज) क्विन्स इभेन्ट्स म्यानेजमेन्ट प्रा.लिले सहभागी फ्रेन्चचाइज टिम र मार्की खेलाडीको घोषणा गरेको छ । पहिलो संस्करणको लिगमा ६ शहरका ६ टिमले प्रतिस्पर्धा गर्ने भएका छन् । पीपीएल कात्तिक ९ देखि २० सम्म सम्म पोखरा रंगशालामा आयोजना हुनेछ ।
यसपटक विराटनगर टाईटन्स,पोखरा पल्टन,बुटवल ब्लास्टर,एक्स्पर्ट धनगढी ब्लुज,चितवन राईनोज र काठमाडौं रोयल्स रहेका छन् । सबै टिमले आज आफ्नो लोगो समेत सार्वजनिक गरेका छन् ।
विराटनगर टाईटन्सका मार्की खेलाडी सन्दीप लामिछाने र टिम मालिक पारस लुनिया रहेका छन् । चितवन राईनोजका मार्की खेलाडी पारस खड्का र टिम मालिक राहुल महरा रहेका छन् ।
त्यसैगरि पोखरा पल्टन टिम मालिक बिनायक पोखरेल हुन् भने मार्की खेलाडी शरद भेषवाकर रहेका छन् । त्यस्तै गरि बुटवल ब्लास्टरका मार्की खेलाडी सोमपाल कामी रहेको छन् । टिम मालिक नरेश गौतम रहेका छन् ।
हुलास काठमाडौं रोयल्सको टिम मालिक राज्य लक्ष्मी गोल्छा रहदा मार्की खेलाडी ज्ञानेन्द्र मल्ल रहेका छन् । एक्स्पर्ट धनगढी ब्लुजको मार्की खेलाडीको जिम्मा दिपेन्द्र सिंह एेरीले पाउदा टिम मालिक तोया नाथ अर्याल रहेका छन् ।
आयोजकले यस अघिनै असोज ३ गतेदेखि असोज ९ गतेसम्मको लागि खेलाडी दर्ता खुला गरेको थियो । खेलाडी छनोट अक्सन मार्फत हुने छ । हरेक टिममा दुई स्थानीय र दुई विदेशी खेलाडी अनिवार्य हुनु पर्ने छ ।
पीपीएल घरेलु क्रिकेटमा सर्वाधिक पुरस्कार राशिको हुने आयोजकले दावी गरेको भएपनि विजेता र उप विजेता टिमले कति पुरस्कार पाउने अहिले सम्म आधिकारीक रुपमा भन्ने खुलाएको छैन ।
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
December 13, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को फाइनलमा सुदूरपश्चिम रोयल्सले लुम्बिनी लायन्सलाई ८६ रनको अत्यन्त सहज चुनौती दिएको छ। यो सिजन पहिले ब्याटिङ गरेर बनेको यो सबैभन्दा कम योगफल हो। यसअघि काठमाडौं गोर्खाजले लुम्बिनीविरुद्ध १ सय ११ रन बनाएको थियो। सुदूरपश्चिम फाइनलमा ब्याटिङमा निरुह बन्यो। लुम्बिनीका कप्तान रोहित पौडेलले ह्याट्रिक विकेट लिंदा शेर […]
December 13, 2025
काठमाडौं (हाम्रो खेलकुद)- लुम्बिनी लायन्सका कप्तान रोहित पौडेलले नेपाल प्रिमियर लिगको फाइनलमा ह्याट्रिक विकेट लिएका छन् । कीर्तिपुरस्थित टियु रंगशालामा जारी नेपाल प्रिमियर लिग (एनपिएल) को फाइनलमा रोहितले सुदूरपश्चिम विरुद्ध ह्याट्रिक विकेट लिएका हुन् । ब्याटिङमा संघर्ष गरिरहेको सुदूरपश्चिमविरुद्ध रोहितले ११ औं ओभरमा ह्याट्रिक पूरा गरेका हुन्। ११ औं ओभरको चौथो बलमा रोहितको बलिङमा सुदूरपश्चिमका […]
