default_image

5 years ago

February 13, 2019

दबासको अर्धशतकसँगै महेन्द्रनगरलाई १ सय ३५ रनको लक्ष्य

धनगढी (हाम्रो खेलकुद) – भारतीय खेलाडी अंकित दबासले उत्कृष्ट ब्याटिङ गर्दै अर्धशतक बनाएपछि काठमाडौं गोल्डेन्सले तेस्रो रुस्लान धनगढी प्रिमियर लिगको पाँचौ खेलमा महेन्द्रनगर युनाइटेडलाई १ सय ३५ रनको लक्ष्य दिएको छ । टस हारेर ब्याटिङको निम्तो पाएको काठमाडौंले अंकित दबासको उत्कृष्ट ब्याटिङसँगै निर्धारित २० ओभरमा ५ विकेट गुमाउँदै १ सय ३४ रन जोड्यो । दुवै […]

33 views

0 Bookmark

धनगढी (हाम्रो खेलकुद) – भारतीय खेलाडी अंकित दबासले उत्कृष्ट ब्याटिङ गर्दै अर्धशतक बनाएपछि काठमाडौं गोल्डेन्सले तेस्रो रुस्लान धनगढी प्रिमियर लिगको पाँचौ खेलमा महेन्द्रनगर युनाइटेडलाई १ सय ३५ रनको लक्ष्य दिएको छ ।

टस हारेर ब्याटिङको निम्तो पाएको काठमाडौंले अंकित दबासको उत्कृष्ट ब्याटिङसँगै निर्धारित २० ओभरमा ५ विकेट गुमाउँदै १ सय ३४ रन जोड्यो । दुवै ओपनर पेभेलियन फर्केपछि दोस्रो ओभरमा क्रिजमा आएका अंकितले नट आउट ६५ रन जोडे । उनले ५५ बलमा ५ चौका र ३ छक्का प्रहार गरे ।

अंकितले योगेन्द्रसिंह कार्कीसँग मिलेर छैटौं विकेटका लागि अन्तिम ७ ओभरमा नटआउट ७६ रनको साझेदारी गरे । योगेन्द्रले १४ बलमा १ चौका र १ छक्का प्रहार गर्दै २२ रन जोडेर राम्रो साथ दिए । यी दुईको उत्कृष्ट साझेदारीले काठमाडौंले जारी प्रतियोगिताको सर्वाधिक योगफल खडा गर्न सफल रहयो ।

काठमाडौंले खराब सुरुवातलाई निरन्तरता दिंदै दुवै ओपनरलाई सुरुवाती दुई ओभरमा गुमाएको थियो । अनिलकुमार शाह पहिलो ओभरको अन्तिम बलमा ६ रन जोड्दै मोहमद नविदको बलमा एलबीडब्लु भए । लगत्तै दोस्रो ओभरको पाँचौ बलमा अभिनाश बोहोराले गौरव तोमरलाई १ रनमा बोल्ड गरे ।

कप्तान ज्ञानेन्द्र मल्लले सम्हालिएर खेल्ने प्रयास गरेपनि १४ रन जोडेको स्थितिमा सातौं ओभरमा सागर ढकालको बलमा कट बिहाईन्ड भए । अमरसिंह राउटेलाले १३ औं ओभरको दोस्रो बलमा महबुब आलम र छैटौं बलमा सोनु तामाङलाई बोल्ड गरेपछि काठमाडौं ५८-५ को कमजोर अवस्थामा पुगेको थियो । आलमले १९ बलमा २ चौका सहित १३ रन जोड्दा सोनु १ रनमा आउट भए ।

महेन्द्रनगरका लागि अमरले ४ ओभरमा २६ रन खर्चेर २ विकेट लिए । अभिनास बोहोरा,सागर ढकाल र मोहम्मद नाविदले समान एक-एक विकेट लिए ।

April 23, 2024

स्टोइन्सको शतकमा चेन्नईमाथि लखनउको जित

एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]

April 23, 2024

मधेशको जित, कोशीको लगातार चौथो हार

काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]

April 23, 2024

लगातार चौथो जितपछि बागमती शीर्षस्थानमा

काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]

Success

Thank you for your time.