default_image

5 years ago

February 24, 2019

नेरीको कीर्तिमानी बलिङसँगै नेपालले हङकङलाई हरायो

काठमदौं (हाम्रो खेलकुद) – नेपाली महिला राष्ट्रिय क्रिकेट टोलीले आईसीसी महिला विश्वकप छनोटको एसिया क्षेत्र प्रतियोगिताअन्तर्गत चौथो खेलमा हङकङलाई ४ विकेटले पराजित गरेको छ । नेपालको जितमा नेरी थापाको बलिङ जितको बलियो आधार बन्न पर्याप्त रहयो । आइतबार बैंककमा भएको खेलमा हङकङले प्रस्तुत गरेको ६३ रनको लक्ष्य नेपालले ६ विकेटको क्षतिमा १९ औं ओभरमा प्राप्त […]

41 views

0 Bookmark

काठमदौं (हाम्रो खेलकुद) – नेपाली महिला राष्ट्रिय क्रिकेट टोलीले आईसीसी महिला विश्वकप छनोटको एसिया क्षेत्र प्रतियोगिताअन्तर्गत चौथो खेलमा हङकङलाई ४ विकेटले पराजित गरेको छ । नेपालको जितमा नेरी थापाको बलिङ जितको बलियो आधार बन्न पर्याप्त रहयो ।

आइतबार बैंककमा भएको खेलमा हङकङले प्रस्तुत गरेको ६३ रनको लक्ष्य नेपालले ६ विकेटको क्षतिमा १९ औं ओभरमा प्राप्त गर्यो । शीर्ष क्रमले बिर्सनलायक प्रदर्शन गरेपछि चौथो विकेटका लागि सरिता मगर र अप्सरी बेगमले उत्कृष्ट साझेदारी गर्दै नेपाललाई जितसम्म डोर्याएका थिए । सरिता र अप्सरीले ३२ रनको साझेदारी गरे । अप्सरीले ३५ बलमा ३ चौकको मदतले २४ रन जोडीन् । सरिता मगर १६ रनमा नटआउट रहिन् ।

नेपालको शीर्षक्रमले बिर्सनलायक प्रदर्शन गर्दा मध्यक्रम दबाबमा परेको थियो । तेस्रो ओभरको दोस्रो बलमा काजल श्रेष्ठ ४ रनमा जस्मिन टित्मुस एलबीडब्लू धरापमा परिन् । तीन बलपछि सिता रानामगर शून्यमा क्याचआउट भइन् । आठौं ओभरमा इन्दु बर्मा ४ रन जोड्दै स्टम्पिङ हुँदा अर्को ओभरमा कप्तान रुविना क्षेत्री पनि ६ रन जोड्दै सोहि तरिकाले आउट भइन् । रोमा थापा २ रन जोड्दै बोल्ड हुँदा नेरी थापा १ रनमा नटआउट रहिन् ।

त्यसअघि नेरी थापाले उत्कृष्ट बलिङ गरेपछि हङकङले २० ओभरमा ८ विकेट गुमाउँदै ६२ रन जोडेको थियो । ओपनर यास्मिन दस्वानीले १६ रन र बेल्ला पुनले ११ रन जोड्दै राम्रो सुरुवात दिएका थिए । तर नेरी थापाले उत्कृष्ट बलिङ प्रदर्शन गर्दै लगातार ओभरमा शीर्ष ६ विकेट हात पारिन् । उनले ४ ओभरमा ८ रन खर्चेर ६ विकेट हासिल गरिन् । नेपालको लागि सिता रानामगरले पनि २ विकेट लिइन । नेरीको प्रदर्शन नेपालको टि-२० आई इतिहासमा सर्वोत्कृष्ट बलिङ हो । विश्व क्रिकेटमा पनि नेरीले तेस्रो स्थान प्राप्त गरेकी छिन् ।

मध्यक्रममा मारिना लाम्प्लोले १९ रन जोडेपछि हङकङले सम्मानजनक योगफल तयार पारेको थियो । कप्तान मारिको हिल र केरी चानले २-२ रन जोड्दा जस्मिन तित्मसले खाता खोल्न सकिनन् ।

नेपालले प्रतियोगितामा ४ खेल खेल्दै ३ जित र १ हार बेहोरेको छ । थाईल्यान्डले भने प्रतियोगिताको ४ मध्य ४ खेल जित्दै ८ अंक सहित शीर्ष स्थानमा बलियो पकड बनाएको छ । शीर्ष स्थानमा रहने टोलीले दोस्रो चरणमा स्थान बनाउनेछ ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.