कराँची – क्यामरन डेलपोर्टले सानदार शतक प्रहारगरेपछि पाकिस्तान सुपर लिग (पिएसएल) मा ईस्लामवाद युनाइटेडले सन्दीपको टिम लाहोर कलन्दर्सलाई २ सय ३९ रनको विशाल लक्ष्य दिएको छ ।
टस हारेर पहिला ब्याटिङ थालेको ईस्लामबादले निर्धारित २० ओभरमा मात्र ३ विकेटको क्षतिमा २ सय ३८ रन बनायो । महँगो सावित भएका सन्दीपले ४ ओभरमा ४६ रन खर्चेर १ विकेट लिए ।
ईस्लामबादलाई फराकिलो योगफल तयार पार्न क्यामरन डेलपोर्टले १ सय १७ रनको अविजित सानदार पाली खेले । क्यामरनले मात्र ६० बलमा ६ छक्का र १३ चौका प्रहार गरे । त्यस्तै चाडविक वाल्टनले ३० बलमा ४ छक्का २ चौका सहित ४८ रन जोडे ।
फिलिप साल्ट १० रनमा आउट हुँदा अन्तिमतिर आसिफ अलीले विश्फोटक ब्याटिङ गर्दै मात्र २१ बलमा ६ छक्का र ३ चौका प्रहार गर्दै ५५ रनमा नट आउट रहे । लाहोरका लागि डेविड विसा,शाहिन शाह अफ्रिदी र सन्दीप लामिछानले समान एक विकेट लिन बाहेक अन्य कुनै पनि बलरले विकेट लिन सकेनन् । अघिल्लो चरणको यात्रा कायमै राख्न लाहोरलाई फराकिलो जितको आवश्यक छ ।
