एजेन्सी – ओपनर उस्मान खवाजाले शतक प्रहार गरेपछि अन्तिम तथा पाँचौ निर्णाणक वान डे खेलमा अष्ट्रेलियाले भारतलाई २ सय ७३ रनको लक्ष्य दिएको छ ।
फिरोज शाह कोटला मैदानमा टस जितेर पहिला ब्याटिङ थालेको अष्ट्रेलियाले निर्धारित ५० ओभरका ९ विकेटको क्षतिमा २ सय ७२ रन बनायो । अष्ट्रेलियाका लागि ओपनर उस्मान खवाजाले १ सय ६ बलमा १० चौका र २ छक्का प्रहार गर्दै १ सय रनमा क्याच आउट भए । ओडीआई करियरमा खवाजाको यो दोस्रो शतक हो ।
त्यस्तै पिटर हेन्डस्कम्वले ६० बलमा ४ चौका प्रहार गर्दै ५२,कप्तान आरोन फिन्च २७, मार्कस स्टोइनिस र एस्टन टर्नरले समान २० रन जोडे । ग्लेन म्याक्सवेल १, एलेक्स केरी ३,प्याट कमिन्स १५ र झेय रिचड्सनले २९ रनको योगदान दिए ।
भारतका लागि भुवनेश्वकर कुमारले ३, रविन्द्र जडेजा र महोम्मद शामीले समान २-२ तथा कुलदिप यादवले एक विकेट हात पारे । सिरिज २-२ को अवस्थामा छ । आजको खेलको विजेताले सिरीज पनि जित्ने छ ।
