5 years ago
March 13, 2019
एजेन्सी – भारतसँगको पाँच वान डे सिरीज पाहुना टोली अष्ट्रेलियाले ३-२ ले जितेको छ । बुधबार दिल्लीमा भएको अन्तिम तथा पाँचौ खेलमा भारतलाई ३५ रनले हराउँदै अष्ट्रेलियाले सिरीज जित्न सफल भयो ।
यससँगै अष्ट्रेलियाको १५ महिना सम्मको वान डे सिरीज जितको खडेरी पनि तोडिएको छ । विश्वकप अघि यो नतिजाले अष्ट्रेलियालाई ठूलो राहत दिँदा प्रमुख दावेदार भारतलाई भने नराम्रो धक्का लागेको छ । अष्ट्रेलियाले प्रस्तुत गरेको २ सय ७३ रनको लक्ष्य पक्ष्याएको भारतले ५० ओभरमा अल आउट हुँदै २ सय ३७ रनमा समेटियो ।
भारतका लागि ओपनर रोहित शर्माले ८९ बलमा ४ चौका प्रहार गर्दै ५६ रन बनाए । शिखर धवन १२, कप्तान विराट कोहलीले २०, ऋषभ पन्त र विजय शंकर समान १६-१६ रनमा आउट हुन पुगे । तल्लोक्रमक भुवनेश्वर कुमारले ५४ बलमा ३ चौका र २ छक्का प्रहार गर्दै ४६ र केदार जाधवले ५७ बलमा ४ चौका र १ छक्का प्रहार गर्दै ४४ रन बनाएपनि भारतको हार टार्न सकेनन ।
अन्य कुनै पनि भारतीय ब्याट्सम्यानले सम्झन योग्य प्रर्दशन गर्न सकेनन् । अष्ट्रेलियाको जितमा स्पिनर एडम जम्पाले १० ओभरमा १ मेडन सहित ४६ रन खर्चेर ३ विकेट लिए । प्याट कमिन्स, झेय रिचड्सन र मार्कस स्टोइनिसले समान २-२ तथा नाथन लायनले १ विकेट हात पारे ।
त्यसअघि फिरोज शाह कोटला मैदानमा टस जितेर पहिला ब्याटिङ थालेको अष्ट्रेलियाले ओपनर उस्मान खवाजाको शतकसँगै निर्धारित ५० ओभरका ९ विकेटको क्षतिमा २ सय ७२ रन बनायो । अष्ट्रेलियाका लागि ओपनर उस्मान खवाजाले १ सय ६ बलमा १० चौका र २ छक्का प्रहार गर्दै १ सय रनमा क्याच आउट भए । ओडीआई करियरमा खवाजाको यो दोस्रो शतक हो ।
यस्तै पिटर हेन्डस्कम्वले ६० बलमा ४ चौका प्रहार गर्दै ५२,कप्तान आरोन फिन्च २७, मार्कस स्टोइनिस र एस्टन टर्नरले समान २० रन जोडे । ग्लेन म्याक्सवेल १, एलेक्स केरी ३,प्याट कमिन्स १५ र झेय रिचड्सनले २९ रनको योगदान दिए । भारतका लागि भुवनेश्वकर कुमारले ३, रविन्द्र जडेजा र महोम्मद शामीले समान २-२ तथा कुलदिप यादवले एक विकेट हात पारे ।
सुरुवाती दुई खेल हारेको अष्ट्रेलियाले अन्तिम तीन खेलमा उत्कृष्ट पुनरागमन गर्दै सिरीज जित्न सफल भयो । पहिलो खेलमा भारत ६ विकेट र दोस्रो खेलमा ८ रनले विजयी भएको थियो । तेस्रो खेलमा ३२ रन र चौथो खेलमा अष्ट्रेलिया ४ विकेटले विजयी भएको थियो । टी-२० सिरीज पनि भारतले २-० ले गुमाउन पुगेको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]