एजेन्सी – नेपाली लेग स्पिनर सन्दीप लामिछाने केहि समयको लागि अष्ट्रेलिया जाने भएका छन् । सन्दीप आगमी मंगलबार अर्थात जेठ ७ गते अष्ट्रेलिया जाने भएका छन् ।
नेपाली क्रिकेट टोलीका टेक्निकल म्यानेजर तथा सन्दीपको ब्यवस्थापन हेर्दै आएका रमन शिवाकोटीका अनुसार सन्दीप आगमी २१ मे अर्थात मंगलबार अष्ट्रेलिया जाने छन् । सन्दीप ब्यक्तिगत कारण अष्ट्रेलिया जान लागेका शिवाकोटीले जानकारी दिए । अन्य कारण भने शिवाकोटीले खुलाउन चाहेनन् । सन्दीप कति समयको लागि जान लगेको भन्ने अष्ट्रेलिया पुगेपछि मात्र थाहा हुने शिवाकोटी बताउछन् ।
इन्डियन प्रिमियर लिग (आईपीएल) खेलेर गत शनिवार नेपाल फर्किएका सन्दीप अव केहि समय आरामसँगै साथीभाईसँग घुमफिर गर्दै समय बिताउने छन् । पछिल्लो एक वर्ष अन्तर्राष्ट्रिय फ्रेन्चाईज लिग र राष्ट्रिय टोलीबाट सन्दीपले आईपीएपछि तत्काल अन्य कुनै विदेशी लिग नजुधेको र प्रधानमन्त्रीकप किकेट नखेल्ने निर्णय लिएपछि केहि समय फुर्सदिला भएका हुन् ।
