default_image

5 years ago

May 19, 2019

पीएम कप : हतारमा मुलपानी, स्तरमा शंका

काठमाडौं (हाम्रो खेलकुद) – तेस्रो संस्करणको प्रधानमन्त्री एकदिवसिय राष्ट्रिय प्रतियोगिताको उद्धघाटन खेल जेठ १० मा मुलपानी क्रिकेट मैदानमा हुँदैछ । यसअघि तय गरिएको मिती दुई पटक सार्दै तेस्रो नयाँ मिती अनुसार पीएम कप जेठ १० देखि २५ सम्म मुलपानी र टियू मैदानमा हुन लागेको हो । यसअघि जेठ १ देखि टीयू मैदानमा मात्र दिनमा एक […]

39 views

0 Bookmark

काठमाडौं (हाम्रो खेलकुद) – तेस्रो संस्करणको प्रधानमन्त्री एकदिवसिय राष्ट्रिय प्रतियोगिताको उद्धघाटन खेल जेठ १० मा मुलपानी क्रिकेट मैदानमा हुँदैछ । यसअघि तय गरिएको मिती दुई पटक सार्दै तेस्रो नयाँ मिती अनुसार पीएम कप जेठ १० देखि २५ सम्म मुलपानी र टियू मैदानमा हुन लागेको हो ।

३ दिन अघिसम्म मुलपानीको अवस्था

यसअघि जेठ १ देखि टीयू मैदानमा मात्र दिनमा एक खेल हुने बताईएको थियो । तर प्राविधिक कारण देखाउदै आयोजकले जेठ ८ गतेलाई सारेका थियो । आयोजकले शनिबार पुन: मिति सार्दै १० गतेलाई पुर्याएको हो । प्रतियोगितामा ७ प्रदेश र तीन विभागिय टोली रहेका छन् । जसलाई दुई समुहमा विभाजन गरिएको छ । समुह ए मा एपीएफ, प्रदेश ५, प्रदेश ३, सुदुरपश्चिम र गण्डकी रहँदा समुह बी मा त्रिभुवन आर्मी, नेपाल पुलिस, प्रदेश २,प्रदेश १ र कर्णाली रहेका छन् । समुह चरणका शीर्ष दुई टोली सेमिफाईनलमा पुग्नेछन् ।

यसअघि जेठ १ गते सुरु हुने घोषणा हुँदा सबै खेल टियूमा हुने भनिएको थियो । त्यसकारण पनि प्रतियोगिता गर्ने हिसाबले मुलपानीमा कुनै तयारी गरिएको थिएन । टीयूमा अर्को प्रतियोगिता हुने भएपछि जेठ १ को मिति सारेर मुलपानीमा काम अघि बढेको थियो । सुस्त गतिमा निर्माणधिन अवस्थामा रहेको मुलपानी प्रतियोगिता संचालनको लागि १० दिनमै पूर्ण रुपमा तयार हुनसक्ने कुरै थिएन । मुलपानीमा आउटफिल्डको घाँस काट्नेदेखि लिएर पिच बनाउने सम्मका काम भईरहेको छ । पीएम कपको लागि मुलपानी तयार नहुने आयोजक नेपालयलका अध्यक्ष सुवास प्रधानले स्विकार गर्दछन् । अध्यक्ष प्रधानले मुलपानी तयार नुहुने भएपछि बाउन्ड्री लाईन ५५ यार्ड (५०.२ मिटर) मा झारिने बताए । अर्थात मैदान छोटो बनाएर खेलाईने छ ।

आईसीसीको नियम अनुसार कुनैपनि खेल संचालनका लागि बाउन्ड्री कम्तिमा पनि ६५ यार्ड (५९.४३ मिटर) को हुनुपर्नेछ । मुलपानी मैदानमा जग्गा विवाद कानुनि रुपमा सुल्झेको भनेपनि घर टहरा अझै पनि हटेका छैनन् । त्यसैले स्क्वायर बाउन्ड्रीमा अझैपनि उचित रुपमा मैदान तयार हुने देखिँदैन ।

पीएम कप राष्ट्रिय खेलकुद परिषद नेपाल (राखेप) को आयोजना र नेपालय इन्टरनेसनल प्रालिको सहकार्यमा हुन लागेको हो । मुलपानी मैदानको बारे राखेपका सदस्य सचिव केशव कुमार विष्ट त्यति जिम्मेवार भने देखिएनन् । राखेपले नेपालयलाई प्रतियोगिताको आयोजनाबारे सबै जिम्मा दिएको हुँदा यसबारे आफुलाई केहि थाहा नभएको र सबै कुरा नेपालयलाई जानकारी हुने विष्टको तर्क छ ।

नेपाली राष्ट्रिय क्रिकेट टोलीका कप्तान पारस खड्काले अहिलेको अवस्थामा मुलपानी क्रिकेट मैदानमा खेल हुनुनै ठूलो कुरा भएको बताउछन् । ‘लामो प्रतियोगिता भएकाले सबै खेल टीयूमा गर्न पनि सहज छैन । यो अवस्थामा मुलपानी मैदानमा गर्नु पनि राम्रै हो । यसलाई मिलाएर खेल्नुपर्छ, ‘ पारसले भने । यसअघिका दुई संस्करण विदेशमा रहेको कारण पीएम कपमा सहभागिता नजनाएका पारस यो पटक प्रदेश नम्बर तीनबाट खेल्दै छन् ।

मुलपानीको माथिल्लो मैदानमा गतवर्ष पनि पीएम कपका केहि खेल भएका थिए । तर वर्षाका कारण खेल अवरुद्ध भएपछि पुन: सुचारु हुने सम्भावना भएनन् । मैदानको अवस्था पनि स्थानीय स्तरको क्रिकेट गर्नलायक मात्र थियो । खेलाडी पनि खेलको अवस्थाबाट सन्तुष्ट थिएनन् । बल बाउन्स नहुँदा खेलाडीलाई क्रिजमा टिक्नै कठिन थियो । त्यसैले धेरै खेलाडी मैदानलाई लिएर रुष्ट थिए । हरेक टोलीलाई एक सय रन आकँडा छुनै मुश्किल थियो । गत वैशाखमा सम्पन्न आठौं राष्ट्रिय खेलकुदमा पनि कुनै हतारमा आयोजना गरिएको कोहलपुर मैदानमा खेलाउँदा सहभागी टोलीले बिरलै १ सय रनको आँकडा पार गरे ।

घरेलु क्रिकेटको रुपमा आयोजन गर्ने पीएम कप नै एक मात्र नेपालको राष्ट्रिय स्तरको एकदिवसिय प्रतियोगिता हो । ओडीआई मान्यता प्राप्तसँगै यो प्रतियोगिताको महत्त्व झन बढेको छ । यस प्रतियोगिताकै प्रर्दशनको आधारमा आगमी दिनमा नेपालले अन्तर्राष्ट्रिय प्रतियोगिताको लागि खेलाडी छनोट गर्ने छ । तर तयारी विनाको मैदानले भने खेलाडीको आफ्नो क्षमता सिद्ध गर्नबाट छायाँमा पर्ने हुन् की भन्ने चिन्ता पनि त्यतिकै छ । प्रतिभावान् तथा क्षमता भएका खेलाडी ओझेलमा पर्न सक्ने चिन्ता थपिएको छ ।

नेपाली यू१९ टोलीका प्रशिक्षक विनोद दासले नयाँ मैदानमा खेल्न गाह्रो हुने बताए । ‘ म पछिल्लो समय मुलपानी गएको छैन, नहेरी यसै भन्न पनि मिल्दैन तर पनि निर्माणधिन मैदानमा खेल्न निकै कठिन पर्छ’, दासले भने ।

‘ मुलपानी खेल्न योग्य बनाईन्छ भन्दा मलाई खुसी लागिरहेको छ । देशले अर्को नयाँ मैदान पाउँदै छ । नयाँ विकेट हुन्छ । बनाउन कति समय लागेको हो, रोलर पुगेको छ वा छैन, माटो राम्रोसँग च्यापिएको छ वा छैन भन्ने पक्षले कुराले मैदानमा धेरै प्रभाव पर्छ, ‘ दासले भने ।

आगामी चार महिनासम्म अब नेपालमा पुरुषको लागि कुनै ठूला घरेलु प्रतियोगिता हुने छैनन् । त्यसपछि पनि ईपीएल, पीपीएल र डीपीएल जस्ता टी ट्वान्टी फर्म्याटका प्रतियोगिता हुने हुँदा यो पीएम कपनै ओडीआईको लागी खेलाडी छनोट गर्ने मुख्य आधार हो । यस प्रतियोेगिताबाट युवा खेलाडीलाई राष्ट्रिय टोलीको ढोका सम्मको यात्रा तय गर्ने सबैभन्दा राम्रो माध्यम बन्न सक्छ ।

पीएम कपको व्यवस्थापन र तयारीमा आयोजक सुरुवाती समयमै चुकिसकेको छ । आगामी दिन कस्तो हुने हो हेर्न बाँकी छ । दुई पटक मिति परिवर्तन गरिसकेको प्रतियोगिताको जेठ १ गते हुनुपर्ने खेल त्यसै दिन बेलुका मात्रै प्रतियोगिता स्थगित भएको आधिकारिक जानकारी आएको थियो । जुन आफैंमा लज्जास्पद छ । नयाँ संरचनालाई प्रयोग गर्न खोज्नु स्वागतयोग्य कदम हो तर हतारमा खेल्न योग्य नभएको मैदानमा खेलाउँदा बल्लतल्ल हुने एकदिवसीय प्रतियोगिता पनि खल्लो हुने हो की भन्ने चिन्ता थपिएको छ ।

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

Success

Thank you for your time.