5 years ago
May 19, 2019
एजेन्सी- पाकिस्तानसँगको पाँच खेलको ओडीआई सिरिज घरेलु टोली इंग्ल्यान्डले ४-० ले जित्दै क्लिन स्विप गरेको छ ।
आईतबार राती सम्पन्न पाँचौ खेलमा ५४ रनले पराजित गर्दै सिरिज क्लिन स्विप गर्न सफल भएको हो । ३ सय ५२ रनको विशाल लक्ष्य पछ्याएको पाकिस्तान ४६.५ ओभरमा अल आउट हुँदै २ सय ९७ रनमा समेटियो । पाकिस्तानका लागि कप्तान सरफराज अहमिदले ९७ रनको योगदान दिएपनि टोलीको हार टार्न सकेनन् । ३२ ओभरको पाँचौ बलमा विकेटकीपर जस बटलरले रन आउट गरेपछि शतक बनाउन मात्र ३ रनले चुकेका थिए । उनले ८० बलमा ७ चौका र २ छक्का प्रहार गरे ।
मिडिल अडरका बाबर आजमले ८३ बलमा ९ चौका र १ छक्का प्रहार गर्दै ८० रन बनाउन बाहेक अन्य कुनै पनि खेलाडीले राम्रो प्रर्दशन गर्न सकेनन् । बाबर पनि रन आउटको शिकार बने । २७ ओभरको दोस्रो बलमा बाबरलाई बटलरलनै रन आउट गराए ।
ओपनर फकार जमान डक, अबिद अली ५, मोहम्मद हफिज डक र सोएव मालिक ४ रनमा आउट भए । त्यस्तै तल्लोक्रमका आशिफ अली २२, ईमाद वासिम २५, हसन अली ११, साहिन शाह अफ्रिदी १९ र मोहम्मद हुसैनले २८ रन जोडे । इंग्ल्यान्डका लागि क्रिस वोक्सले १० ओभरमा २ मेडन सहित ५४ रन खर्चेर ५ विकेट लिए । आदिल राशिदले २ र डेविड विल्लीले १ विकेट हात पारे ।
त्यसअघि टस जितेर पहिला ब्याटिङ थालेको इंग्ल्यान्डले निर्धारित ५० ओभरमा ९ विकेटको क्षतिमा ३ सय ५१ रन बनाएको थियो। इंग्ल्यान्डका लागि कप्तान ओइन मोर्गनले ६४ बलमा ५ छक्का र ४ चौका सहित ७६ रनको उत्कृष्ट योगदान दिए । त्यस्तै जो रुटले ७३ बलमा ९ चौका सहित ८४ रन बटुले । रुटलाई ३६ ओभरको तेस्रो बलमा युवा खेलाडी मोहम्मद हुसैनले आशिफ अलीबाट क्याच गराए ।
रुट र मोर्गनले तेस्रो विकेटका लागि १ सय १७ रनको शतकीय साझेदारी गरेपछि इंग्ल्यान्डले विशाल योगफल तयार पारेको हो । यी दुईबीचको साझेदारी ३० ओभरको तेस्रो बलमा शाहिन शाह अफ्रिदीले अबिद अलीबाट मोर्गनलाई क्याच गराउँदै तोडेका थिए । इंग्ल्यान्डका अन्य जेम्स भिन्स ३३, जोनी बेयरस्टो ३२, जस बटलर ३४, बेन स्टोक्स २१, क्रिस वोक्स १३ र डेविड विल्ली १४ रनमा आउट भए ।
टम कुरन १५ बलमा समान २ चौका र छक्का सहित २९ रनमा अविजित रहे । पाकिस्तानका लागि युवा खेलाडी शाहिन शाह अफ्रिदीले १० ओभरमा ८२ रन खर्चेर ४ विकेट लिए । त्यस्तै ईमाद वासिमले ३ विकेट हात पारे । मोहम्मद हुसैन र हसन अलीको नाममा १ विकेट रह्यो ।
पहिलो खेल वर्षाले प्रभावित बनेको थियो । दोस्रो खेलमा ७ र तेस्रो खेलमा इंग्ल्यान्ड ६ विकेटले विजयी भएको थियो । चौथो खेलमा ३ विकेटको रोमान्चक जित हात पार्दै सिरिज जित्न सफल भएको थियो ।
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]