सिंगापुर(हाम्रो खेलकुद) – आईसीसी टी २० एसिया विश्वकप छनोट क्षेत्र अन्तर्गत शनिबारको पहिलो खेलमा कुवेत र नेपालबीच प्रतिस्पर्धा जारी छ ।

टस जितेर पहिला फिल्डिङ गरेको नेपालले कवेतमाथि निरन्तर दबाब सृर्जना गरि रहेको छ । कुवेतले ९ ओभरमा ६४ रन बनाउन ५ विकेट गुमाएको छ । मोहम्मद अस्लाम ६ रनमा खेलिरहेका छन् ।

दोस्रो ओभरको पहिलो बलमै करण केसीले विकेटकिपर विनोद भण्डारीबाट ओपनर मिट भावसारलाई ५ रनमा पेभिलिएन फर्काए । छैटौं ओभरको पहिलो बलमा वसन्त रेग्मीले रभिजा डी शिल्भालाई १५ रनमा बोल्ड आउट गरे ।

त्यस्तै वसन्तले त्यसै ओभरको अन्तिम बलमा अदनान आर्डिसलाई शरद भेषवाकरबाट २५ रनमा क्याच आउट गराउँदै कुवेतलाई दबाबमा राखेका छन् । ठूलो सट खेल्ने धुनमा क्याच आउट हुनुअघि उनले १४ बलमा ५ चौका प्रहार गरे ।

सन्दीप लामिछानेले आफ्नो दोस्रो ओभरमा बिलाल र उस्मान वहिदलाई आउट गरेपछि नेपालले खेलमा पकड बनाएको छ । सन्दीपको नवौं ओभरको तेस्रो बलमा ठूलो सट खेल्ने धुनमा विलाल ताहिर कप्तान पारस खड्काबाट १३ रनमा आउट हुन पुगे । लगत्तै दुई बलपछि सन्दीपले उस्मान वहीदलाई शून्यमा एलवी डब्लू आउट गरे ।