एजेन्सी – नेपाली लेग स्पिनर सन्दीप लामिछाने सम्मिलित बार्बाडस ट्राईडेन्टसले क्वारेवियन प्रिमिपर लिग २०१९ को पहिलो खेल गुयाना एमाजन वारियर्ससँग खेल्दै छ । खेल आज राती २ : ४५ पछि सुरु हुने छ ।

गुयानाले सुरुवाती दुबै खेल जितेको छ । गुयानामा पाकिस्तानका लेग स्पिनर सादव खान, सोएब मालिक,वेस्ट इन्डिजका विकेटकीपर निकोलस पुरन, किमो पल, शिम्ररोन हिटमायर, क्रिस ग्रिन जस्ता खेलाडी छन् । सन्दीप सम्मिलित वारियर्समा इंग्ल्यान्डका ओपनर एलेक्स हक्स, पाकिस्तानका अलराउन्डर आशिफ अली, दक्षिण अफ्रिका जेपी ड्युमिनि, वेस्ट इन्डिजका कप्तान जोसन होल्डर, विकेटकीपर शाई होप लगायतका ठूला नाम गरेका खेलाडी छन् ।

बार्बाडसले सन्दीपलाई तीन महिना अघि ड्राफ्टमा ७० हजार अमेरिकी डलर खर्चेर अनुबन्ध गरेको थियो । सन्दीपले पछिल्लो समय आशा गरेभन्दा केहि निराशजनक प्रर्दशन गरिरहेका छन् । सन्दीप गत वर्ष सीपीएलमा सेन्ट किट्स एण्ड नेभिस प्याट्रियट्सबाट खेलेका थिए । जसमा ५ खेलमा ७ विकेट लिदै उदयमान खेलाडी घोषित भएका थिए । सन्दीप सीपीएल खेल्न गत मंगलबार वेस्ट इन्डिज लागेका थिए ।

सन्दीपले विगत केहि दिन ट्राइडेन्टससँग रहेर विभिन्न कार्यक्रममा सहभागिता जनाइरहेका छन् । टोलीको समीकरण हेर्दा सन्दीपको पहिलो रोजाइमा पर्ने सम्भावना बलियो छ । सन्दीपलाई ड्राफ्टमा पाँचौ चरणमा नै रोज्नुले पनि उनको महत्त्व रहनेछ ।

A message from @IamSandeep25 to you! #LetsGoTridents #CPL19 #BiggestPartyInSport #WeTridentStrong #LifeNice pic.twitter.com/6VK25j6ia9

— Barbados Tridents (@BIMTridents) September 6, 2019