एजेन्सी– भारतीय मोन्टी देशाईं वेस्ट इन्डिजको ब्याटिङ प्रशिक्षकमा नियुक्त भएका छन् । देशाई दुई वर्षको लागि नियुक्त भएका हुन् । वेस्ट इन्डिजले भारतसँगको तीन टि ट्वान्टी सिरिज अघि देशाईंलाई ब्याटिङ प्रशिक्षकमा नियुक्त गरेको जनाएको छ । भारतसँगको तीन टि ट्वान्टी सिरिज शुक्रबार देखी सुरु हुने छ ।
गत अप्रिल २० देखी नामिवियामा सम्पन्न आईसीसी विश्व क्रिकेट लिग डिभिजन टु क्वालिफायरको लागि क्यानाडाले देशाईलाई प्रमुख प्रशिक्षमा नियुक्त गरेको थियो । सन् २०१८ मा एकदिवसिय विश्वकप छनोटमा अफगानिस्तानलाई च्याम्पियन बनाउन मोन्टीको महत्त्वपूर्ण भुमिका रहेको थियो ।
इन्डियन प्रिमियर लिगमा राजस्थान रोयलको प्रशिक्षक रहिसकेका देशाईले नेपाली ब्याटिङ कन्सल्टेन्टको रुपमा काम गरिसकेका छन् । सन् २०१५ मा आयरल्यान्ड र स्कटल्यान्डमा भएको विश्व ट्वान्टी–२० छनोटमा देशाई नेपाली टोलीसँग रहेका थिए ।
त्यसअघि सन् २०१४ को विश्वकपमा पनि उनी नेपाली टोलीमा आबद्ध थिए । त्यस्तै सन् २०१७ मा भएको यू-१९ एसिया कपमा पनि मोन्टि टोलीसँग ब्याटिङ कन्सल्टेन्टका रुपमा थिए । त्यसबेला नेपालले भारतविरुद्ध ऐतिहसिक जित पनि दर्ता गरेको थियो ।
