4 years ago
December 6, 2019
एजेन्सी- कप्तान विराट कोहलीको उच्च प्रर्दशनमा तीन टि ट्वान्टी सिरिज अन्तर्गत पहिलो खेलमा भारतले वेस्टइन्डिजलाई ६ विकेटले हराएको छ । २ सय ८ रनको विशाल लक्ष्य पछ्याएको भारतले १८.४ ओभरमा ४ विकेट गुमाउँदै पुरा गर्यो । भारतलाई शानदार जित दिलाउन कप्तान विराट कोहलीले ५० बलमा समान ६ चौका र छक्का सहित ९४ रनमा अविजित रहे […]
एजेन्सी- कप्तान विराट कोहलीको उच्च प्रर्दशनमा तीन टि ट्वान्टी सिरिज अन्तर्गत पहिलो खेलमा भारतले वेस्टइन्डिजलाई ६ विकेटले हराएको छ । २ सय ८ रनको विशाल लक्ष्य पछ्याएको भारतले १८.४ ओभरमा ४ विकेट गुमाउँदै पुरा गर्यो । भारतलाई शानदार जित दिलाउन कप्तान विराट कोहलीले ५० बलमा समान ६ चौका र छक्का सहित ९४ रनमा अविजित रहे ।
यो विराटको टि ट्वान्टी आई करिअरको उच्च प्रर्दशन हो । यस अघि कोहलीले सन् २०१६ मा अष्ट्रेलियाविरुद्ध बनाएको ९० रननै टि ट्वान्टी आई करिअरमै उच्च रन रहँदै आएको थियो । ओपनर रोहित शर्मा ८ रनमै क्याच आउट भएपनि केएल राहुलले विराटसँग दोस्रो विकेटका लागि १ सय रनको शतकीय साझेदारी गरेपछि भारतले सहज जित हात पारेको हो ।
१५ औं ओभरको तेस्रो बलमा खारी पियरेले राहुललाई ६२ रनमा कप्तान काइरोन पोलार्डबाट क्याच गराए । राहुलले ४० बलमा ५ चौका र ४ छक्का प्रहार गरे । ऋषभ पन्त १८ र श्रेयस ऐर ४ रनमा आउट भए । वेस्ट इन्डिजका खारी पियरेले २, शिल्डन कोट्टेल र काइरोन पोलार्डले १-१ विकेट लिए ।
त्यसअघि शुक्रबार साझ राजीव गान्धी क्रिकेट मैदान हैदराबादमा टस हारेर ब्याटिङको निम्तो पाएको वेस्टइन्डिजले निर्धारित २० ओभरमा ५ विकेट गुमाउँदै २ सय ७ रन बनाएको थियो । युवा खेलाडी शिमरोन हेटमायरले ४१ बलमा २ चौका र ४ छक्का सहित ५६ रनमा क्याच आउट भए । शिमरोनलाई १८ औं ओभरको पहिलो बलमा युजभेन्द्र चहलले रोहित शर्माबाट क्याच आउट गराए ।
ओपनर इभिन लुइसले १७ बलमा ३ चौका र ४ छक्का सहित ४० रन जोड्दै आक्रामाक सुरुवात दिलाए । लुईसलाई छैटौं ओभरको चौथो बलमा वाशिन्टन सुन्दरले एलबी डब्लू आउट गरे । ब्रान्डन किङले २३ बलमा ३ चौका र १ छक्का सहित ३१ रन जोडे ।
चौथो विकेटका लागि शिमरोन र कप्तान काइरान पोलार्डले ७१ रनको साझेदारी गरेपछि वेस्ट इन्डिज विशाल योगफलमा पुर्याएका थिए । कप्तान पोलार्डलाई १८ औं ओभरको तेस्रो बलमा युजभेन्द्र चहलले बोल्ड आउट गर्नु अघि १९ बलमा १ चौका र ४ छक्का सहित ३७ रन जोडे ।
जेसन होल्डर २४ र दीनेश रामदीन ११ रनमा अविजित रहे । भारतका स्पिनर युजभेन्द्र चहलले ४ ओभरमा ३६ रन खर्चेर २ विकेट लिए । रविन्द्र जडेजा, दीपक चहर र वाशिन्टन सुन्दरले १–१ विकेट लिए । दोस्रो टि ट्वान्टी खेल आइतबार हुने छ ।
April 23, 2024
काठमाडौं (हाम्रो खेलकुद)- नेपाल क्रिकेट टोलीसँगको ५ टि ट्वान्टी खेलका लागि वेस्टइन्डिज क्रिकेट बोर्डले सोमबार ‘ए’ टोली घोषणा गरेको छ । दुई पटकको टि ट्वान्टी विश्वकप विजेता वेस्ट इन्डिजको ए टोलीको कप्तानमा रोस्टन चेस छन् । कीर्तिपुरस्थित त्रिवि मैदानमा यी दुई टोलीबीच पहिलो खेल हुनेछ। सन् २०१६ मा वेस्ट इन्डिजले विश्वकप जित्दाका ब्याटर जोनसन चार्ल्स र […]
April 23, 2024
एजेन्सी – यशस्वी जैसवालको शानदार शतकसहित राजस्थान रोयल्सले इन्डियन प्रिमियर लिग (आइपिएल) मा सोमबार मुम्बई इन्डियन्सविरुद्ध ९ विकेटले हराएको छ । १ सय ८० रनको लक्ष्यसहित उत्रेको राजस्थानले १८.४ ओभरमा १ विकेटको क्षेतिमा १ सय ८३ रन जोड्दै जित हासिल गरेको हो । दमदार सुरुवात गरेको राजस्थानका लागि यशस्वी र जोस बटलरले पहिलो विकेटका लागि […]
April 22, 2024
काठमाडौं (हाम्रो खेलकुद) – रविन्द्र शाही र विपिन रावलको शतकीय साझेदारीमा कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमा गण्डकी प्रदेशलाई ५ रनको झिनो अन्तरमा हराएको छ। कर्णालीको यो लगातार तेस्रो जित हो। उसको जितमा विपिनले ६८ रनको पारी खेले। गण्डकीका अर्जुन कुमालले ७० रन जोडे पनि टिमलाई हार बाट जोगाउन सकेनन्। माथिल्लो मुलपानी मैदानमा […]