आइपिएलमा दिल्लीका खेलाडीको तलब विवरण

एजेन्सी – इन्डियन प्रिमियर लिग (आइपिएल) १३ औं संस्करण आगमी वैशाखमा हुने तालिका छ । तर विश्वभर महामरीको रुप लिएको कोरोना भाइरसको कारण यस पटकको आइपिएल हुने सम्भावना कम छ ।

सन् २००८ देखि सुरु भएको आइपिएल हालसम्म आउँदा विश्वकै सर्वाधिक लोकप्रिय फ्रेन्चाइज लिग बनेको छ । आइपिएल हरेक खेलाडीको पहिलो रोजाईको ब्यवसायिक लिग पर्दछ । खेलाडीले अक्सनमा क्षमता अनुसारको मुल्य पाउने गर्दछन् । सन् २०१८ मा दिल्ली क्यापिटल्सले लेग स्पिनर सन्दीप लामिछानेलाई अक्सनमा २० लाख भारतीय रुपैयाँमा अनुबन्ध गरेको थियो ।

सन्दीपले दिल्लीसँग तीन वर्षे सम्झौता गरेको कारण उक्त मूल्यमा थोरै वृद्धि गरेर दिल्लीबाटै खेल्नुपर्ने हुन्छ । आइपिएलमा सर्वाधिक पारिश्रमिक रोयल च्यालेन्जर्स बेंगलोरका कप्तान विराट कोहलीको छ । कोहलीले एक सिजनको १७ करोड भारतीय रुपैयाँ पाउने गर्दछन् । यसैगरी महेन्द्रसिंह धोनी, रोहित शर्मा र ऋषभ पन्तले १५-१५ करोड बुझ्छन् ।