3 years ago
January 8, 2021
काठमाडौं(हाम्रो खेलकुद) – शारदा एजुकेशन पार्कको आयोजनामा बाँकेको कोहलपुरमा जारी कोहलपुर ओपन क्रिकेट प्रतियोगिताको फाइनलमा आयोजक कोहलपुर क्रिकेट एकेडेमी र बिबि वारियर्स फाइनल प्रवेश गरेका छन् । प्रतियोगिताको उपाधिको लागि यी दुई टोलीले शनिवार प्रतिस्पर्धा गर्ने छन् । शुक्रबार सम्पन्न सेमीफाइनलमा कोहलपुर क्रिकेट एकेडेमीले न्यू दर्पण युथ क्लब तथा बिबी वारियर्सले बिबीसीसी कीर्तिपुरलाई पराजित गर्दै […]
काठमाडौं(हाम्रो खेलकुद) – शारदा एजुकेशन पार्कको आयोजनामा बाँकेको कोहलपुरमा जारी कोहलपुर ओपन क्रिकेट प्रतियोगिताको फाइनलमा आयोजक कोहलपुर क्रिकेट एकेडेमी र बिबि वारियर्स फाइनल प्रवेश गरेका छन् ।
प्रतियोगिताको उपाधिको लागि यी दुई टोलीले शनिवार प्रतिस्पर्धा गर्ने छन् । शुक्रबार सम्पन्न सेमीफाइनलमा कोहलपुर क्रिकेट एकेडेमीले न्यू दर्पण युथ क्लब तथा बिबी वारियर्सले बिबीसीसी कीर्तिपुरलाई पराजित गर्दै फाइनलमा पुगेका थिए ।
कोहलपुर प्रस्तावित अन्तर्राष्ट्रिय क्रिकेट मैदानमा सम्पन्न पहिलो सेमिफाइनलमा आयोजक कोहलपुर क्रिकेट एकेडेमीले न्यू दर्पण युथ क्लबलाई ४ विकेटले पराजित गर्यो। न्यू दर्पणले दिएको ६३ रनको विजयी लक्ष्य पछ्याएको कोहलपुरले ९.२ ओभरमा ६ विकेटको क्षतिमा पूरा गर्यो ।
गिरीले सर्वाधिक १७ रनको योगदान दिए । अजय शहानीले १३ रन, सन्दी नेपालीले १२ रन र रमेश सिंहले १० रन बनाए। सिमोन थापा र दिपक राना मगरले समान २ विकेट लिए । करन भण्डारी र मोहन थापाले १-१ विकेट लिए।
त्यसअघि टस जितेर ब्याटिङ रोजेको न्यू दर्पणले १३.५ ओभरमा ६२ रनमा अल आउट भएको थियो । गजेन्द्र ओलीले सर्वाधिक २० र दिप राना मगरले १२ रन बनाए । कोहलपुर क्रिकट एकेडेमीका बलर रोशन सिंह, लभकुश यादव, रुपेश कुर्मी र रमेश सिंहले २-२ विकेट लिए । अजय शहानिले १ विकेट लिए।
दोश्रो सेमिफाइनलमा बिबि वारियर्सले बिबिसीसी कीर्तिपुरलाई ३१ रनले पराजित गर्यो । बिबि वारियर्सले दिएको १सय २७ रनको लक्ष्य पछ्याउने क्रममा बिबीसीसी कीर्तिपुरले १५ ओभरमा ८ विकेट गुमाएर ९५ रन मात्र बनाउन सक्यो।
सन्दीप कुवँरले सर्वाधिक २२ रनको योगदान दिए । निरज सिंह धामीले १५, किशन विष्टले, सौरभ बमले १२ र दीपक बोहराले १० रन बनाए। बिबी वारियर्सका बलर आकाश विष्ट सर्वाधिक ३ विकेट लिए । सिद्धान्त राज शाही र बिशाल पौडेलले समान २ विकेट लिए।
त्यस अघि टस जितेर ब्याटिङ रोजेको बिबी वारियर्सले निर्धारित १५ ओभरमा ४ विकेट गुमाएर १ सय २६ रन बनाएको थियो । विजय चौधरीले ४१ बलमा ४ चौका र २ छक्का सहित ५२ रनको योगदान दिए ।
शाहिद अन्सारीले २६, अनुपम सिंह र प्रनित थापाले समान १६ रन र अमर सिंह रौटेलाले १० रन बनाए। बिबिसीसी कीर्तिपुरका बलर सौरभ बमले २ विकेट तथा प्रकाश चन्द ठकुरी र निरज सिंह धामीले समान १ विकेट लिए।
यस अघि शुक्रबारनै सम्पन्न चौथो क्वार्टरफाइनलमा बिबिसीसी किर्तिपुरले यस एक्स्पर्टलाई ३२ रनले पराजित गर्यो। बिबीसीसीले दिएको १ सय रनको लक्ष्य पछ्याउने क्रममा यस एक्स्पर्टले निर्धारित १५ ओभरमा ९ विकेट गुमाएर ६७ रन मात्र बनाउन सक्यो।
एक्स्पर्टको लागि शुबेन्दु पाण्डेले २० रन बनाउनु बाहेक अन्य ब्याट्सम्यानले दोहोरो अंकमा रन बनौं सकेनन्। बिबीसीसीका बलर किशन बिस्टले सर्वाधिक ३ विकेट तथा निरज सिंह धामी, सौरभ बम र सुरज तिवारीले समान २ विकेट लिए।
त्यस अघि टस हारेर ब्याटिङ गरेको बिबिसीसी कीर्तिपुरले १४.४ ओभरमा सबै विकेट गुमाएर ९९ रन बनाएको थियो। बिबिसीसीको लागि किशन विष्टले सर्वाधिक २२ रन, सौरभ बमले १९ रन, सन्दिप कुँवरले १३ रन तथा दिपक बोहराले १० रन बनाए । यस एक्स्पर्टका बलर सन्दीप खत्री र बसन्त रेग्मीले समान ३ विकेट लिए । नासिर अन्सारी, सौगात खत्री, अनिश छेत्री र राकेश गगुप्ताले समान १ विकेट लिए ।
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत पहिलो सेमिफाइनलमा नेपाल र यूएई खेल्दैछन् । खेल नेपाली समय अनुसार ११:४५ बजे सुरु हुनेछ । यूएईका कप्तान मोहमद वासिमले टस जितेर पहिलो फिल्ड गर्ने निर्णय लिएका छन् । नेपालले पहिलो ब्याटिङ गर्नेछ । नेपालले पछिल्लो खेलबाट एक परिवर्तन गरेको छ । साउदी अरबविरुद्ध खेलेका […]
April 19, 2024
मस्कट (हाम्रो खेलकुद) – एसीसी प्रिमियर कपको उपाधि रक्षा लक्ष्य सहित ओमान आएको नेपाली क्रिकेट टोलीले आज सेमिफाइनलमा चिर प्रतिद्वन्दी (संयुक्त अरब इमिरेट्स) युएईको सामना गर्दैछ। खेल नेपाली समयअनुसार बिहान ११:४५ बजे सुरु हुनेछ। नेपाल समूह एको विजेता र युएई समूह ‘बी’ को उपविजेताको रुपमा सेमिफाइनल पुगेको थियो।भएको छ । गत संस्करणको फाइनलमा भिडेका यी दुई […]
April 19, 2024
एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]