एजेन्सी – इंग्ल्यान्डले भारतविरुद्ध चौथो टि२० आई खेलमा पहिला बलिङ गर्ने भएको छ । नरेन्द्र मोदी स्टेडियम अहमदाबादमा इंग्ल्यान्डका कप्तान ओईन मोर्गनले टस जितेर पहिला बलिङ गर्ने निर्णय लिएका हुन् ।

इंग्ल्यान्डले आजको खेलमा कुनै परिवर्तन गरेको छैन । तेस्रो खेलको टोलीलाई निरन्तरता दिएको मोर्गनले बताएका छन् । भारतले टोलीमा दुई परिवर्तन गरेको छ । स्पिनर युजभेन्द्र चहलको स्थानमा राहुल चहरलाई मौका दिएको छ । युवा ब्याट्सम्यान ईशान किशनलाई बेन्चमा राख्दा सूर्यकुमार यादवले मौका पाएका छन् ।

पाँच टि२० आई सिरिजमा इंग्ल्यान्डले २–१ को अग्रता लिएको छ । पहिलो खेलमा इंग्ल्यान्ड ८ विकेटले विजयी भएको थियो । दोस्रो टि२० आई ७ विकेटले पराजित भएको इंग्ल्यान्डले तेस्रो टि२० खेलमा ८ विकेटले विजयी हुँदै सिरिजमा अग्रता लिएको थियो । इंग्ल्यान्ड चौथो खेलमा जितका साथ सिरिज एक खेल अगावै जित्ने सोचमा हुने छ । यता भारत चौथो खेलमा जित निकाल्दै सिरिज बराबरी बनाउन खोज्ने छ ।

भारतको प्लेइङ ११ : लोकेश राहुल, रोहित शर्मा, विराट कोहली (कप्तान), श्रेयस ऐर, ऋषभ पन्त, हार्दिक पान्ड्या, वासिन्टन सुन्दर, सूर्यकुमार यादव, भुवनेश्वर कुमार, शार्दुल ठाकुर र राहुल चाहर

इंग्ल्यान्डको प्लेइङ ११ : जेसन रोय, जस बटलर (विकेटकिपर), डेविड मलान, जोनी बेयरस्टो, ओईन मोर्गन (कप्तान), बेन स्टोक्स, साम करन, जोफ्रा आर्चर, क्रिस जोर्डन, आदिल राशिद र मार्क वुड