एजेन्सी – इंग्ल्यान्डले भारतविरुद्ध पाँचौ तथा निर्णायक टि२० आई खेलमा पहिला बलिङ गर्ने भएको छ । नरेन्द्र मोदी स्टेडियम अहमदाबादमा इंग्ल्यान्डका कप्तान ओईन मोर्गनले टस जितेर पहिला बलिङ गर्ने निर्णय लिएका हुन् ।

पाँच टि२० आई सिरिजमा सुरुवाती चार खेल सकिँदा २-२ को बराबरीमा छ । भारतले आज टोलीमा एक परिवर्तन गरेको छ । लगातार खराब प्रदर्शन गरि रहेका ओपनर लोकेश राहुललाई आज भारतले बेन्चमा राखेको छ । राहुलको स्थानमा भारतले सबैलाई आश्चर्य पार्दै तीव्र गतिका बलर टि नटराजनलाई मौका दिएको छ । भारतको ओपनिङ रोहित शर्मा र विराट कोहलीले गर्ने छन् । चौथो खेलमा सूर्यले उत्कृष्ट प्रदर्शन गरेका थिए ।

पहिलो खेलमा इंग्ल्यान्ड ८ विकेटले विजयी भएको थियो । दोस्रो टि२० आई ७ विकेटले पराजित भएको इंग्ल्यान्डले तेस्रो टि२० खेलमा ८ विकेटले विजयी भएको थियो । चौथो टि२० खेलमा भारत ८ रनले विजयी भएको थियो । इंग्ल्यान्डले आज टोलीमा कुनै परिवर्तन गरेको छैन ।

भारतको प्लेइङ ११ : टि नटराजन, रोहित शर्मा, विराट कोहली (कप्तान), श्रेयस ऐर, ऋषभ पन्त, हार्दिक पान्ड्या, वासिन्टन सुन्दर, सूर्यकुमार यादव, भुवनेश्वर कुमार, शार्दुल ठाकुर र राहुल चाहर

इंग्ल्यान्डको प्लेइङ ११ : जेसन रोय, जस बटलर (विकेटकिपर), डेविड मलान, जोनी बेयरस्टो, ओईन मोर्गन (कप्तान), बेन स्टोक्स, साम करन, जोफ्रा आर्चर, क्रिस जोर्डन, आदिल राशिद र मार्क वुड