default_image

3 years ago

March 24, 2021

मैदानमा भावुक पान्ड्या दाजुभाई

एजेन्सी – मंगलबार भारतीय क्रिकेट टोलीका अलराउन्डर क्रुनाल पान्ड्याले इंग्ल्यान्डविरुद्ध ओडिआई क्रिकेटमा डेब्यू गरे । भारतीय क्रिकेट टोलीका प्रमुख अलराउन्डर हार्दिक पान्ड्या दाई क्रुनालले डेब्यू मात्र गरेनन् एक यादगार र कीर्तिमानी प्रदर्शन गरे । भारत पहिलो खेलमा ६६ रनले विजयी हुँदै तीन ओडिआई सिरिजमा १–० को अग्रता लिएको छ । महाराष्ट्र क्रिकेट एसोसिएसन स्टेडियम पुणेमा […]

57 views

0 Bookmark

एजेन्सी – मंगलबार भारतीय क्रिकेट टोलीका अलराउन्डर क्रुनाल पान्ड्याले इंग्ल्यान्डविरुद्ध ओडिआई क्रिकेटमा डेब्यू गरे । भारतीय क्रिकेट टोलीका प्रमुख अलराउन्डर हार्दिक पान्ड्या दाई क्रुनालले डेब्यू मात्र गरेनन् एक यादगार र कीर्तिमानी प्रदर्शन गरे ।

भारत पहिलो खेलमा ६६ रनले विजयी हुँदै तीन ओडिआई सिरिजमा १–० को अग्रता लिएको छ । महाराष्ट्र क्रिकेट एसोसिएसन स्टेडियम पुणेमा टस हारेर पहिला ब्याटिङ थालेको भारतले ५० ओभरमा ५ विकेट गुमाउँदै ३ सय १७ रन बनाएको थियो । जसक्रममा डेब्यू खेल खेलेका क्रुनाल पान्ड्याले ३१ बलमा ७ चौका र २ छक्का सहित ५८ रनमा अविजित रहे । जसक्रममा क्रुनालले मात्र २६ बलमा अर्धशतक पूरा गरेका थिए । जुन ओडिआईमा डेब्यू खेलमा बनेको सर्वाधिक छिटो अर्धशतक थियो ।


एउटा संयोग मान्नुपर्छ क्रुनाललाई आफ्ना भाई हार्दिकले डेब्यू क्याप दिएका थिए । जुन पान्ड्या दाजुभाईको सानैदेखिसँगै भारतीय क्रिकेट टोलीबाट खेल्ने सपना पूरा भएको क्षण थियो । हार्दिकले अंगालोमार्दै दाईलाई डेब्यू क्याप दिए । सन् २०१८ मा क्रुनालले भारतको टि२० टोलीमा डेब्यू गरेका थिए । इन्डियन प्रिमियर लिग(आइपिएल) मा मुम्बई इन्डिन्यसबाटसँगै खेल्ने स्टार दुई दाजुभाई मंगलबार ओडिआई खेलमा पनि खेले । डेब्यू क्याप पाएपछि क्रुनालले आफ्नो क्याप स्वर्गिय बुबा हिमान्शु पान्ड्यालाई सम्झदै आकशतर्फ फर्काउदै लगाएका थिए । केहि समय टिममेट (टोलीको कुराकानी) पछि क्रुनालले हार्दिकसँग पुनः अंगालो मार्दै भावुक बनेका थिए ।


हार्दिक ४१ औं ओभरको तेस्रो बलमा आउट भएपछि क्रुनाल ब्याटिङका लागि मैदान छिरेका थिए । भाई आउट भएपनि दाईले त्यस्तै प्रदर्शन गरे । देब्रे हाते क्रुनालले आक्रामक ब्याटिङ गर्दै ४९ औं ओभरको पहिलो बलमा एक रन बटुल्दै डेब्यू खेलमै अर्धशतक बनाए । उनले अभिनन्दन (सेलिब्रेशन) बुबालाई सम्झदै आकाशतर्फ ब्याट उठाएका थिए । इनिङपछि भने मैदानमा क्रुनाल आफ्नो बुबालाई सम्झदै हार्दिकसँग अंगालो मारेर लामो समय रोई रहे । हार्दिकले सम्झाउन खोजेपनि आफै भावुक बनेका थिए । हार्दिकको अंगालोमा क्रुनालको आशु भने थामिएका थिएनन् । दाजुभाई अंगालो मार्दै लामो समय निकै भावुक बनेका थिए । क्रुनाललाई सम्हाल्न हार्दिकलाई केहि समय लागेको थियो । उनको बुबाको गत जुलाईमा मृत्यु भएको थियो ।


बलिङतर्फ कुनालले एक विकेट लिएका थिए । खेलपछि दुबै दाजुभाईले स्वर्गिय बुबालाई सम्झ्दै ट्वीट लेखेका छन् । सामाजिक सञ्जाल ट्विटरमा क्रुनालले खेलपछि लेखेका छन्, हरेक बलमा पापा तपाईं मेरो सधै मुटु र मनमा हुनुन्थ्यो । मैले तपाईंको उपस्थिति महसुस गरेपछि आशु थाम्न सकेन । त्यसैमा थपेका छन्, म तपाईंको लागि गर्व गर्छु । यो तपाईंको लागि हो पापा । हामीले गर्ने सबै तपाईंको लागि पापा । हार्दिकले ट्विट गर्दै भनेका छन्, पापा गर्व हुने छ । तपाईंमाथि हाँस्दै हुनुन्छ । तपाईं संसारमा योग्य हुनुन्छ । म तिम्रो लागि खुसी हुन सक्दिन भाई । यो पापाको लागि हो ।


क्रुनालले अघिल्लो महिना सम्पन्न लिष्ट ए मान्यता प्राप्त लोकप्रिय विजय हजारे ट्रफीमा बरोडाबाट खेल्दै उत्कृष्ट प्रदर्शन गरेपछि ओडिआई खेलमा डेब्यूको ढोका खुलेको थियो । आइपिएल र घरेलु क्रिकेटमा उत्कृष्ट प्रदर्शन गरेपछि क्रुनालले २०१८ नोभेम्बरमा वेस्टइन्डिजविरुद्ध कोलकातामा टि२० आईमा डेब्यू गरेका थिए । यस सिजनको विजय हजारेमा क्रुनालले ५ खेलमा २ शतक र २ अर्धशतक सहित ३ सय ८८ रन बनाएका थिए ।

एउटा अर्को संयोग हार्दिक दायाँ (दाइने) र क्रुनाल बायाँ (देब्रे) हाते खेलाडी हुन् । हार्दिकले तीव्र गतिमा बलिङ गर्दछन् भने क्रुनालले स्पिन । २०१६ मा भारतीय टोलीमा डेब्यू गरेका हार्दिक विश्वकै वर्तमान समयमा एक सर्वोत्कृष्ट अलराउन्डर हुन् । दुबै दाजुभाईको ब्याटिङ शैली एकै किसिमको पाइन्छ । दुबै आक्रामक ब्याटिङका लागि परिचित छन् । हार्दिकले सानो उमेरमा आफ्नो दाजुभाई पनि युसुफ पठान र इरफान पठान जस्तै भारतीय टोलीबाटसँगै खेल्दै टोलीलाई जिताउने सपना रहेको बताएका थिए । जुन मंगलबार सपना पूरा भएको छ । यी दुईभाइले लामो यात्रा गर्न क्रुनालले बलिङमा केहि सुधार गर्नुपर्ने हुन्छ । क्रुनालले स्पिन बलिङमा सुधार गरेको खण्डमा भने दाजुभाईले भारतीय टोलीमा लामो यात्रा गर्ने देखिन्छ ।

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

Success

Thank you for your time.