काठमाडौं (हाम्रो खेलकुद) – काठमाडौंको मुलपानी क्रिकेट मैदानमा सोमबारदेखि सुरु भएको चौथो संस्करण नेक्सस कप सिजन–४ यू१६ क्रिकेटप्रतियोगीतामा काठमाडौं क्रिकेट टे«निङ सेन्टर (केसिटिसी) र वालुवाटार क्रिकेट क्लब काठमाडौंले विजयी सुरुवात गरेका छन् ।

पहिलो खेल आयोजक नेक्सस क्रिकेट एकेडेमी बी लाइ १ सय ८९ रनको फराकिलो अन्तरले पराजित गर्दै केसिटिसी विजयी सुरुवात गरेको थियो । अर्को खेलमा वालुवाटारले एन्जल स्पोटर्स एकेडेमीलाई १८ रनले पराजित गर्यो ।

पहिलो खेलमा टस हारेर ब्यटिङ को निम्तो पाएको केसिटिसीले २० ओभर १ विकेटको क्षतिमा २ सय ६६ रन बनाएको थियो । जुन नेक्सस कपको हाल सम्मकै उच्च योगफल हो । केसिटिसिका ब्याट्सम्यान दीपक डुम्रेले ७४ बलमा १५ छक्का र १४ चौका सहित १ सय ८२ रनको उत्कृष्ट शतकीय इनिङ हो । जुन नेक्सस कपको हाल सम्मकै उच्च ब्यक्तिगत स्कोर पर्दछ । अर्का ब्याटसम्यान समिर वलीले ९ चौका १ छक्का को मद्दतले ४३ बलमा ५३ रन बनाएका थिए । नेक्सस बी का सुमन गिरीले १ विकेट लिएका थिए ।

जितका लागि २ सय ६७ रनको विजयी लक्ष्य पछ्याएको नेक्सस बी १६.२ ओभरमा ७७ रनमा अल आउट भयो । नेक्सस बी का ब्याट्सम्यान बिबेक न्यौपाने ले २८ रन र दिब्य भुषालले १८ रन बनाउदा अन्य बट्सम्यानले दोहोरो अंकमा रन जोड्न सकेनन् । दीपक डुम्रे ले ४ र सबिन थापाले २ विकेट लिए ।

दोस्रो खेलमा टस जितेर ब्याटिङ रोजेको वालुवाटार क्रिकेट क्लबले निर्धारित १६.३ ओभरमा ९८ रनमा अल आउट भएको थियो । वालुवाटारका निकेश गुप्ताले १९ रन र निकेश थापाले १७ रन बनाए । ४३ रन एक्स्ट्रा पाएको थियो । एन्जल स्पोटर्सका युवराज खत्री, अजय कुवँर, बरुन गौतम र बिपिन न्यौपानेले २÷२ विकेट लिए ।

९९ रनको विजयी लक्ष्य पछ्याएको एन्जल स्पोटर्सले १६.१ ओभरमा ८० रनमा अल आउट भयो । रोजल राउतले २४ रन र पवन रायले २२ बनाएका थिए । अमोङ पौडेलले ४ ओभर बलिङ गर्दै ११ रन खर्चैर ४ विकेट लिए । निकेश गुप्ताले ३ र हृदय गिरीले २ विकेट लिए ।