काठमाडौं – चौथो संस्करणको नेक्सस कप यू१६ टि२० क्रिकेट प्रतियोगिता दोस्रो दिन मंगलबार आयोजक नेक्सस क्रिकेट एकेडेमी ए (एनसिए) र वाइ वाइ ग्रेट हिमालयन क्रिकेट एकेडेमी (जिएचसिए) ले विजयी भएका छन् ।

एनसिए ए ले हिमालय क्रिकेट एकेडेमी लाई १० रनले पराजित गरेको थियो । दास्रो खेलमा जिएचसिएले ओसिस क्रिकेट एकेडेमीलाई ३९ रनले पराजित गरेको थियो । पहिलो खेलमा टस जितेर ब्यटिङ रोजेको एनसिए ए १७.५ ओेभरमा ८६ रनमा अल आउट भएको थियो । नरेन भट्टले २३ बलमा १ छक्का र ५ चौका प्रहार गर्दै ३३ रन बनाए । गोबिन्द बिष्ट र भुपेन्द्र आचार्यले समान १०–१० रन बनाउँदा अन्यले राम्रो प्रदर्शन गर्न सकेनन् । सन्तोस के.सी ले ४ ओभर बलिङ गर्दै १२ रन खर्चिदै ३ विकेट लिए । दीपक बोहोरा र केशब भट्टराई ले समान २ विकेट लिए । जितको लागि ८७ रनको विजयी लक्ष्य पछ्याएको हिमालयन १७.३ ओभरमा ७६ रनमा अल आउट भयो । दीपक बोहोराले ३९ रन र सन्दीप शाहीले १३ रन बनाउदा अन्यले दोहोरो अंकमा बनाउन सकेनन ।

गोविन्द बिष्टले ४ ओभरमा १५ रन खर्चेर ३ विकेट लिए । समिर बिष्ट र पप्पु राय ले समान २ विकेट लिए । खेलको म्यान अफ द म्याच नेक्ससका नरेन भट्ट घोषित भएका थिए । दिनको दोस्रो खेलमा टस जितेर ब्याटिङ रोजेको जिएचसिएले २० ओभरमा ९ विकेट गुमाउँदै १ सय ५१ रन बनाएको थियो । रन्जित यादवले ४२ बलमा १ छक्का ७ चौका सहित ५१ बनाए । अभय घर्तीले २१ रन र निस्चय थापाले १५ रन जोडे । राज श्रेष्ठ, बिशाल सेवा, अभिजित सुनार र रोशन पराजुलीले २–२ विकेट लिए ।

जितको लागि १ सय ५२ रनको विजयी लक्ष्य पछ्याएको ओसिस क्रिकेट एकेडेमीले २० ओभरमा ८ विकेट गुमाउँदै १ सय १२ रन बनाएको थियो । सम्राट भुषालले ५२ बलमा ७ चौकाको सहयोगमा ५४ रन बनाए । भुपाल दंगालले ४३ बलमा ३४ रन बनाए । पुरन थापाले ३ विकेट र सुरज रावलले १ बिकेट लिएका थिए ।