एजेन्सी – इंग्ल्यान्ड तथा राजस्थान रोयल्सका तीव्र गतिका बलर जोफ्रा आर्चरले १४ औं संस्करणको इन्डियन प्रिमियर लिग (आइपिएल) मा सुरुवाती चार खेल गुमाउने भएका छन् ।

आइपिएल अप्रिल ९ देखि भारतका ६ सहरमा हुँदै छ । आर्चरको गत सोमबार दायाँ हातको साईली औंलाको सल्यक्रिया भएको थियो । आर्चर राजस्थानका प्रमुख हतियार हुन् । आइपिएलमा राजस्थानका सुरुवाती चार खेलपछि उपलब्ध सम्भावना छ । राजस्थानले आइपिएलमा पहिलो खेल अप्रिल १२ मा पन्जाब किंग्ससँग खेल्दै सुरुवात गर्ने छ । राजस्थानले अप्रिल १५ मा दिल्ली, चेन्नईसँग अप्रिल १९ र अप्रिल २२ मा रोयल च्यालेन्जर्स बेंगलोरसँग खेल्ने छ ।

आर्चर २०२० को आइपिएलमा मोष्ट भ्यालुवल खेलाडी चुनिएका थिए । राजस्थान आइपिएलमा लिग चरणबाटै बाहिरिएपनि आर्चरले उत्कृष्ट प्रर्दशन गरेका थिए । १४ खेलमा २० विकेट लिएका आर्चरले १ सय ७५ बल डट राख्दा पाँच क्याच लिएका थिए । उनले कुल १ सय १३ रन बनाएका थिए । जसमा १० छक्का सामेल रहेको थियो ।

यस पटक राजस्थानको कप्तानी युवा विकेटकिपर ब्याट्सम्यान सन्जु स्यामसनले गर्ने छन् । आर्चरले भारतसँग टेष्ट र टि२० आई सिरिज खेल्दा ओडिआई सिरिज गुमाएका थिए । अष्ट्रेलिया पूर्व कप्तान तथा ब्याट्सम्यान स्टिभ स्मिथलाई कप्तानबाट हटाउँदै स्यामसनलाई जिम्मेवारी दिएको थियो । स्मिथले दिल्ली क्यापिटल्सबाट यस सिजनको आइपिएल खेल्दै छन् । गत अक्सनमा राजस्थानले दक्षिण अफ्रिका तीव्र गतिका बलिङ अलराउन्डर क्रिस मोरिसलाई आइपिएल इतिहासकै १६ करोड २५ लाख भारु खर्चिदै टोलीमा अनुबन्ध गरेको थियो ।

राजस्थान रोयल्स : महिपाल लोमरोर, मनान बोहरा, रियान पराग, मयंक मरकान्डे, श्रेयस गोपाल, जयदेव उनादकट, कात्र्तिक त्यागि, राहुल टेवाटिया, यशस्वी जैसवाल, सन्जु स्यामसन (कप्तान), अनुज रावत, डेविड मिलर, जोफ्रा आर्चर, एन्ड्रुय टाई, बेन स्टोक्स, जस बटलर, क्रिस मोरिस, शिवम दुबे चेतन सकरिया, मुस्ताफिजुर रहमान, केसी चरिप्पा, लियाम लिभिङस्टोन, कुलदीप यादव र आकाश सिंह ।