3 years ago
April 14, 2021
काठमाडौं (हाम्रो खेलकुद) – युवा स्पिनर साहब अलाम र ओपनर आशिफ शेखलाई समेट्दै नेपाल क्रिकेट संघ (क्यान)ले नेदरल्यान्ड्स र मलेसियासँग खेल्ने त्रिकोणात्मक टि२० आई सिरिजको लागि १५ सदस्य टोली घोषणा गरेको छ । घोषणा टोलीमा युवा स्पिनर साहब आलम पहिलो पटक नेपाली सिनियर टोलीमा परेका छन् । आशिफ शेख पनि टि२० आई टोलीमा पहिलो पटक […]
काठमाडौं (हाम्रो खेलकुद) – युवा स्पिनर साहब अलाम र ओपनर आशिफ शेखलाई समेट्दै नेपाल क्रिकेट संघ (क्यान)ले नेदरल्यान्ड्स र मलेसियासँग खेल्ने त्रिकोणात्मक टि२० आई सिरिजको लागि १५ सदस्य टोली घोषणा गरेको छ ।
घोषणा टोलीमा युवा स्पिनर साहब आलम पहिलो पटक नेपाली सिनियर टोलीमा परेका छन् । आशिफ शेख पनि टि२० आई टोलीमा पहिलो पटक परेका छन् । आशिफले सन् २०१७ मा बंगलादेशमा भएको एसिसी एसिया इमर्जिङ टिम्स एसिया कप खेलेका थिए । त्यस्तै कुशल भुर्तेल पनि पहिलो पटक टि२० आई टोलीमा परेका हुन् । गतवर्ष लिष्ट ए मा भने डेब्यू गरि सकेका छन् ।
त्रभुवन आर्मी क्लबबाट घरेलु क्रिकेट खेल्ने स्पिनर साहब आलमले पछिल्लो चार वर्षमा लगातार एकपछि अर्को उत्कृष्ट प्रदर्शन गर्दै आएका छन् । नेपालको यू-१९ कप्तानी गरि सकेका आसिफले घरेलु क्रिकेट नेपाल एपिएफबाट खेल्दै उच्च प्रदर्शन गर्दै आएका छन् । माघमा काठमाडौंमा सम्पन्न प्रधानमन्त्री कपमा आसिफले उत्कृष्ट प्रदर्शन गरेका थिए । जुन प्रदर्शनले प्रशिक्षक देभ ह्वाटमोर प्रभावित हुँदै मौका दिएका छन् ।
नेपालले पहिलो खेल नेदरल्यान्ड्सँग वैशाख ४ मा खेल्ने छ । दोस्रो खेल मलेसियासँग वैशाख ६ मा खेल्ने छ । नेपालले तेस्रो खेल नेदरल्यान्ड्सँग वैशाख ७ मा खेल्ने छ । नेपालले आफ्नो सिरिजको लिगको अन्तिम खेल वैशाख ९ गते खेल्ने छ । लिगमा शीर्ष दुईमा रहने सके नेपालले वैशाख ११ गते फाइनल खेल्ने छ ।
नेपालले टियु मैदानमा पछिल्लो समय गतवर्ष माघमा ओमान र अमेरिकासँग आइसिसी विश्वकप लिग-२ अन्तर्गत ओडिआई त्रिकोणात्मक सिरिज खेलेको थियो । नेपालले १४ महिनापछि अन्तर्राष्ट्रिय खेल खेल्दै छ । नेपालले पछिल्लो पटक फागुन थाईल्यान्डमा एसिसी इस्टर्न रिजन टि२० एसिया छनोट खेलेको थियो । प्रशिक्षक देभ ह्वाटमोरको प्रशिक्षकमा नेपालले पहिलो अन्तर्राष्ट्रिय खेल समेत खेल्ने छ ।
त्रिकोणात्मक सिरिजको खेल तालिका
वैशाख ४ : नेपालविरुद्ध नेदरल्यान्ड्स
वैशाख ५ : नेदरल्यान्ड्सविरुद्ध मलेसिया
वैशाख ६ : नेपालविरुद्ध मलेसिया
वैशाख ७ : नेपालविरुद्ध नेदरल्यान्ड्स
वैशाख ८ : नेदरल्यान्ड्सविरुद्ध मलेसिया
वैशाख ९ : नेपालविरुद्ध मलेसिया
वैशाख १० : विश्राम
वैशाख ११ : फाइनल (लिगपछि शीर्ष दुईटोली)
नेपालको अन्तिम टोली : ज्ञानेन्द्र मल्ल (कप्तान), पारस खड्का, दीपेन्द्रसिंह ऐरी (उपकप्तान), विनोद भण्डारी, सोमपाल कामी, करण केसी, सन्दीप लामिछाने, अभिनाश बोहरा, आरिफ शेख, आसिफ शेख, कुशल मल्ल, कुशल भुर्तेल, साहब आलम, कमलसिंह ऐरी, सुशन भारी ।
April 19, 2024
मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]
April 19, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
