काठमाडौं (हाम्रो खेलकुद) – नेपाली राष्ट्रिय क्रिकेट टोलीका प्रमुख ब्याट्सम्यान पारस खड्काले शनिवारबाट टियु मैदानमा सुरु हुने नेदरल्यान्ड्स र मलेसियाबीच त्रिकोणात्मक टि२० आई सिरिज गुमाउने भएका छन् ।

पारस गत आइतबार फिल्डिङ गर्नेक्रममा दायाँ हातको काँधमा अभ्यास खेलमा क्याच लिनेक्रममा चोट लागेको थियो । जसको कारण पारसले त्रिकोणात्मक सिरिज गुमाउने सामाजिक सञ्जाल फेसबुक मार्फत जानकारी दिएका छन् । पारसले २ देखि तीन हप्तान आराम गर्नुपर्ने हुन्छ । स्रोतका अनुसार पारसको स्थानमा युवा ब्याट्सम्यान सन्दीप जोरालाई बोलाउने तयारी भई राखेको छ ।

नेपालले पहिलो खेल शनिवार नेदरल्यान्ड्सँग खेल्ने छ । डवल राउन्ड रोविनको आधारमा हुने उक्त प्रतियोगिता शीर्ष दुई टोली फाइनल खेल्ने छन् । फाइनल वैशाख ११ गते हुने छ । नेपालले ज्ञानेन्द्र मल्लको कप्तानीमा स्पिनर साहब आलमलाई पहिलो पटक समेट्दै १५ सदस्य टोली घोषणा गरि सकेको छ । प्रत्यक्ष प्रसारण हिमालय टेलिभिजनले गर्ने छ । जुन विश्वका १ सय ४१ देशबाट लाइभ हेर्न सकिने छ ।

नेपालको टोली : ज्ञानेन्द्र मल्ल (कप्तान), दीपेन्द्रसिंह ऐरी (उपकप्तान), विनोद भण्डारी, सोमपाल कामी, करण केसी, सन्दीप लामिछाने, अभिनाश बोहरा, आरिफ शेख, आसिफ शेख, कुशल मल्ल, कुशल भुर्तेल, साहब आलम, कमलसिंह ऐरी, सुशन भारी ।