काठमाडौं (हाम्रो खेलकुद) – शनिबार टियुमा सुरु हुने नपाल, नेदरल्यान्ड्स र मलेसियाबीच हुने त्रिकोणात्मक टि२० आई सिरिजको ट्रफी सार्वजनिक भएको छ ।

नेपाल क्रिकेट संघ (क्यान) ले शुक्रबार एक पत्रकार सम्मेलन गर्दै नेपालका कप्तान ज्ञानेन्द्र मल्ल, नेदरल्याड्सका पिटर सीलार र मलेसिया कप्तान फैज अहमदलाई राख्दै ट्रफी सार्वजनिक गरेको हो । जर्मनीमा निर्मित उक्त ट्रफीमा स्वरोभ्सकी मणि जडित रहेको क्यानले जानकारी दिएको छ ।

नेपालले नेदरल्याड्ससँग शनिवार खेल्दै त्रिकोणात्मक सिरिजमा सुरुवात गर्ने छ । डवल राउन्ड रोविनको आधारमा हुने उक्त प्रतियोगिता शीर्ष दुई टोली फाइनल खेल्ने छन् । फाइनल वैशाख ११ गते हुने छ ।

नेपालले ज्ञानेन्द्र मल्लको कप्तानीमा स्पिनर साहब आलमलाई पहिलो पटक समेट्दै १५ सदस्य टोली घोषणा गरि सकेको छ । टियु मैदानमा सुरु हुने नेदरल्यान्ड्स र मलेसियाबीच त्रिकोणात्मक टि२० आई सिरिज गुमाउने भएका छन् । पारस गत आइतबार फिल्डिङ गर्नेक्रममा दायाँ हातको काँधमा अभ्यास खेलमा क्याच लिनेक्रममा चोट लागेको थियो । उनको स्थानमा सन्दीप जोरालाई बोलाउने तयारी गरि रहेको छ ।

क्यानका प्रबन्ध निर्देशक रौनक मल्लले प्रतियोगितामा कोरोनाको अवस्थालाई ध्यानमा राख्दै सिमित दर्शकलाई मात्र प्रवेश दिइने बताइएको छ । उनले हालसम्म सरकारी निकायबाट कुनै निर्देशन नआएकाले यकिन संख्या भन्न नसकिने बताए ।