3 years ago
June 22, 2021
एजेन्सी – स्पिनर केशव महाराजको ह्याट्रिक र तीव्र गतिका बलर कागिसो रबाडाको उत्कृष्ट बलिङमा दक्षिण अफ्रिकाले दोस्रो टेष्ट खेलमा वेस्ट इन्डिजलाई १ सय ५८ रनको फराकिलो अन्तरले पराजित गरेको छ । योसँगै दुई टेष्ट सिरिज पाहुना टोली दक्षिण अफ्रिकाले २–० ले जितेको छ ।
जितको लागि ३ सय २४ रनको विजयी लक्ष्य पछ्याएको वेस्ट इन्डिज चौथो दिन दोस्रो सेसनमा ५८.३ ओभरमा १ सय ६५ रनमा अल आउट भयो । वेस्ट इन्डिजका ओपनर किरन पवेलले १ सय १६ बलमा ९ चौका सहित सर्वाधिक ५१ रनको योगदान दिए । मध्यक्रमका काइल मेयर्सले ५६ बलमा ४ चौका सहित ३४, जर्मेन ब्ल्याकवुड २५ र केमार रोच २७ रनमा आउट भए । अन्य कुनै पनि ब्याट्सम्यानले दोहोरो अंकमा रन बनाउन सकेनन् ।
केशवले ३७ औं ओभरमा ह्याट्रिक लिएका थिए । उनले तेस्रो बलमा किरण पवेल, चौथो बलमा जेसन होल्डर र जोशुवा डा शिल्भालाई क्याच गराउँदै ह्याट्रिक पूरा गरेका थिए । दक्षिण अफ्रिका केशव महाराजले १७.३ ओभरमा ७ मेडन सहित ३६ रन खर्चेर ५ विकेट लिए । तीव्र गतिका बलर कागिसो रबाडा ३ र लुन्गी एनगिडीले १ विकेट लिए ।
दक्षिण अफ्रिका दोस्रो इनिङमा १ सय ७४ रनमा अल आउट भएको थियो । दक्षिण अफ्रिका मध्यक्रमका रास्सी भान डर डुसेन १ सय ४२ बलमा ५ चौका र १ छक्का सहित ७५ रनमा अविजित रहे । कागिसो रबाडा ४८ बलमा ५ चौका र १ छक्का सहित ४० रनमा आउट भए । वेस्ट इन्डिजका केमार रोचले सर्वाधिक ४ विकेट लिए । काईल मेयर्सले ३, क्रेग ब्रेथवेट, जेसन होल्डर र जयडेन सिल्सले १–१ विकेट लिए ।
त्यसअघि वेस्टइन्डिज १ सय ४९ रनमा अल आउट हुँदै पहिलो इनिङमा १ सय ४९ रनलेनै पछि परेको थियो । पहिलो इनिङमा वेस्टइन्डिजका शाई होपले ४३, जर्मेन ब्ल्याकवुडले ४९, काइल मेयर्स १२ र जेसन होल्डरले १० रन बनाए । दक्षिण अफ्रिका वियान मुल्डरले सर्वाधिक ३ विकेट लिए । रबाडा, एनगिडी र महाराजले २–२ विकेट लिए ।
ड्यारेन स्यामी नेशनल स्टेडियम सेन्ट लुसियामा टस हारेर ब्याटिङको निम्तो पाएको दक्षिण अफ्रिका २ सय ९८ रनमा अल आउट भएको थियो । दक्षिण अफ्रिका क्विन्टन डि कक १ सय ६२ बलमा ८ चौका सहित सर्वाधिक ९६ रनको योगदान दिए । मेयर्सले शाई होपबाट क्याच आउट गराएपछि उनी शतक बनाउन चार रनले चुकेका थिए । कप्तान तथा ओपनर डिएन एल्गरले २ सय ३७ बलमा ८ चौका सहित ७७ रनको योगदान दिए । वेस्ट इन्डिजले काईल मेयर्स र केमार रोचले ३–३ विकेट लिए । शेनन ग्याब्रियल २, जयडेन सिल्स र जेसन होल्डरले १–१ विकेट लिए ।
रबाडा प्लेयर अफ द म्याच चुनिए । क्विन्टन डि कक प्लेयर अफ द सिरिज चुनिए । पहिलो खेलमा दक्षिण अफ्रिका ६३ रनको इनिङ अन्तरले विजयी भएको थियो । वेस्ट इन्डिज र दक्षिण अफ्रिकाबीच पाँच टि२० आई सिरिज हुने छ । पहिलो टि२० खेल २६ जुनमा हुने छ ।
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले सनराईजर्स हैदराबाद माथि सहज जित दर्ता गरेको छ । मुम्बईले हैदराबाद माथि ७ विकेटको जित हासिल गरेको हो । हैदराबादले दिएको १७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेटायो । मुम्बईका सूर्यकुमार यादवले ५१ बलमा १२ चौका र ६ छक्का सहित १०२ रनको अविजित […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]
May 6, 2024
काठमाडौं (हाम्रो खेलकुद)– जयकुमारनाथ स्मृति यु १६ अन्तर स्कुल क्रिकेट प्रतियोगितामा सोमबार डिएभी स्कुबलले ग्यालेक्सीलाई ५५ रनले हारएको छ । १ सय १८ रनको विजय लक्ष्य पछ्याएको ग्यालेक्सीले १७.२ ओभरमा सबै विकेट गुमाउँदै ६२ रन मात्र बनाउन सक्यो । ग्यालेक्सका लागि दीपेश गुप्ताले सबैभन्दा बढी ३० रन बनाए । अभय मगरले ७ र अतिफ खानले […]