काठमाडौं (हाम्रो खेलकुद)– नेपाली महिला टोलीकी सदस्य प्रतिभा माली र कोपिला उप्रेती सम्मिलित मिस्कियागु इजीले माल्दिभ्स राष्ट्रिय महिला भलिबल च्याम्पियनसिपको उपाधि जितेको छ । साविक विजेता पुलिस क्लबलाई बिहीबार भएको फाइनलमा लाई ३–१ ले हराउँदै मिस्कियागु इजीले च्याम्पियन बनेको हो ।
प्रतिभा र कोपालको व्यवस्थापकका रुपमा माल्दिभ्स पुगेकी नेपाल भलिबल संघकी कोषाध्यक्ष सुनकेशरी मालीका अनुसार मिस्कियागु इजीले २५–२०,२५–२२,२३–२४ र २५–२० ले नतिजा आफ्नो पक्षमा पारेको थियो । फाइनलमा पनि प्रतिभा प्लेयर अफ दी म्याच चुनिइन् । दुई दिनअघि पुलिससँग पराजित भएको माल्दिभियन स्पोर्टस् एन्ड रिक्रियसन क्लब च्याम्पियनसिपमा तेस्रो बनेको थियो । नेपाली अन्य दुई खेलाडी अरुण शाही र मञ्जु गुरुङ सम्मिलित फेयस्दा च्याम्पियनसिपको पहिलो खेलमै पराजित भएर बाहिरिएको थियो ।
