default_image

8 years ago

November 24, 2016

माल्दिभ्सको अनुभवले राष्ट्रिय टोलीलाई फाइदा पुग्छ – प्रतिभा

49 views

0 Bookmark

काठमाडौं (हाम्रो खेलकुद)– व्यवसायिक भलिबलका लागि पहिलो विदेश यात्रा नै प्रतिभा मालीका लागि यादगार बनेको छ । नेपाली राष्ट्रिय टोलीकी स्पाइकर प्रतिभा सम्मिलित माल्दिभ्सको मिस्यिागु इजी बिहीबार माल्दिभ्स राष्ट्रिय महिला भलिबल च्याम्पिनसिपको उपाधि जितेको छ । टोलीको जितमा प्रतिभाको भूमिका सबैभन्दा महत्वपूर्ण रह्यो ।
टोलीले लिग र च्याम्पियनसिपमा गरि खेलेका ६ खेलमध्ये फाइनलसहित ४ मा प्रतिभा प्लेयर अफ दी म्याच बन्न सफल भइन् । लिगमा पराजित भएको खेल र सेमिफाइनलबाहेक टोलीका सबै खेलमा प्रतिभा उत्कृष्ट खेलाडी बन्न सफल भइकी हुन् ।

prativa-3
१५ बर्षे प्रतिभाले च्याम्पियन बन्ने लक्ष्यका साथ माल्दिभ्स पुगेको र त्यसमा सफलता प्राप्त गरेकोमा खुसी व्यक्त गरिन् । ‘ पहिलो पटक बाहिर आउँदा पनि खासै दबाब थिएन । केही दिन अगाडि आएर टोलीका अन्य खेलाडीसँग सेट हुने मौका पाएकाले पनि सजिलो भयो’ प्रतिभाले हाम्रो खेलकुदसँग भनिन्,‘यहाँका स्थानिय खेलाडी हामै्र स्तरका हुन् । तर, अन्य विदेशी खेलाडीहरु भने हामी भन्दा स्तरीय छन् । उनीहरुसँग खेल्दा थप अनुभव बटुल्ने अवसर जुट्यो ।’
नेपाली टोलीको मुख्य सदस्य रहेकी प्रतिभाले माल्दिभ्सको अनुभवले राष्ट्रिय टोलीलाई फाइदा पुग्ने विश्वास व्यक्त गरिन् । ‘यो अनुभवले पक्कै हामीलाई फाइदा पुग्नेछ ’ १३ बर्षको उमेरबाट नेपाली टोलीबाट खेल्दै आएकी उनले थपिन्,‘दक्षिण एसिया भन्दा बाहिरका खेलाडी जो हामीभन्दा माथिल्लो स्तरमा छन्, तीसँगै र त्यस्ता खेलाडीको विपक्षीमा खेल्दा फाइदा हुन्छ नै ।’
व्यवसायिक भलिबल खेल्नका लागि राष्ट्रिय टोलीकी अर्की सदस्य कोपिला उप्रेतीसँगै माल्दिभ्स पुगेकी थिइन् । उनीहरुका व्यवस्थापकका रुपमा नेपाल भलिबल संघकी नेपाल भलिबल संघकी सुनकेशरी मालीका त्यहाँ पुगेकी छिन् ।
प्रतिभाले आउने दिनमा अन्य खेलाडीले पनि माल्दिभ्समा मौका पाउने अपेक्षा राखिन् । ‘यहाँ हाम्रो प्रदर्शन राम्रो भयो । क्लबको व्यवस्थापन एकदम खुसी छ,’ उनले थपिन् ‘मलाई लाग्छ आउने दिनमा अन्य खेलाडीले पनि यहाँ व्यवसायिक भलिबल खेल्ने मौका पाउनेछन् ।’ यसपटक राष्ट्रिय टोलीकै मञ्जु गुरुङ र अरुणा शाहीले फेयस्दाबाट खेलेको थिए । भलिबल खेल्नकै लागि कोपिला यसअघि पनि माल्दिभ्स पुगेकी थिइन् ।

p

June 25, 2024

नाचो र जोसेलुले रियल म्याड्रिड छाड्ने

एजेन्सी – स्पेनिस क्लब रियल म्याड्रिडका कप्तान तथा डिफेन्डर नाचो फर्नान्डेस र फरवार्ड जोसेलु माटाले यो सिजनको अन्त्यसँगै क्लब छाड्ने भएका छन् । सान्टियागो बर्नाबेउमा सम्झौताको अवधि सकिएसँगै युरो २०२४ मा स्पेनको प्रतिनिधित्व गरिरहेका नाँचोले नयाँ चुनौती पछ्याउने निर्णय गरेका छन् । उनी साउदी प्रो लिग क्लब अल कादासियामा सामेल हुने सम्भावना रहेको छ । […]

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

ब्राजिल र कोस्टारिकाको बराबरी

एजेन्सी – उपाधि दावेदार ब्राजिलले कोपा अमेरिका २०२४ अन्तर्गत आफ्नो पहिलो खेलमा कोस्टारिकासँग बराबरी खेलेको छ । अमेरिकाको लस एन्जेलसस्थित सोफाइ रंगशालामा सम्पन्न खेल गोलरहित बराबरीमा टुंगिदा दुवै टोलीले १-१ अंक हात पारे । ब्राजिलले खेलमा एकपक्षीय आक्रमण गरेपनि आवश्यक गोल भने गर्न सकेन । ब्राजिलले पहिलो हाफमा मार्किन्हसको प्रयासमा बललाई पोस्टभित्र पठाएपनि रेफ्रीले भीएआरको […]

Success

Thank you for your time.