काठमाडौं (हाम्रो खेलकुद) – राष्ट्रिय महिला टोलीकी खेलाडी प्रतिभा माली शुक्रबार आफै स्कुलमा सम्मानित भएकी छिन् । नैकापस्थीत न्यू डायमण्ड एकेडेमीले १० कक्षामा अध्ययनरत आफ्नै क्लबकी खेलाडी प्रतिभालाई नगद सहित सम्मानपत्र प्रदान गरेको छ ।
हालै सम्पन्न माल्दिभ्सको राष्ट्रिय भलिबल लिगमा उत्कृष्ट प्रदर्शन गरेकाले प्रतिभालाई सम्मा गरेको हो । माल्दिभ्सको मिस्कीमागु इमेन क्लबबाट खेलेकी प्रतिभाले उत्कृष्ट प्रदर्शन गर्दै क्लबलाई उपाधि दिलाउन सफल भएकी थिइन् । प्रतियोगिताभर उनी तिन पटक वुमन अफ म्याच समेत चूनिएकी थिइन् । त्यस्तै उनि प्रतियोगितामा विदेशी खेलाडी मध्येबाट उत्कृष्ट समेत घोषित भएकी थिइन् ।
नेपालकी नम्बर एक स्पाइकर समेत रहेकी प्रतिभालाई ४९ हजार नगद र सम्मानपत्रले प्रमुख अतिथी सभासद श्याम श्रेष्ठले सम्मान गरेका थिए । प्रतिभालाई न्यू डायमण्ड एकेडेमिकातर्फबाट २५ हजार,सभासद श्रेष्ठकोतर्फबाट १५ हजार र दर्शन ट्रान्सपोर्टका सञ्चालक अरुणा श्रेष्ठबाट ५ हजार र स्थानियले ४ हजार नगद प्रदान गरेका थिए । सम्मानका अवसरमा न्यू डायमण्ड एकेडेमिमा भलिबल एकेडेमि निर्माण लागि सभासद श्रेष्ठले पहल गर्ने विश्वास ब्यक्त गरे । कार्यक्रममा विद्यालयका प्रिन्सिपल कुमार राई र नेपाल भलिबल संघकी कोषाध्यक्ष सुनकेसरी माली लगायतको उपस्थीती थियो ।
