काठमाडौं (हाम्रो खेदकुद) – नेपालका ओपनर आसिफ शेखले जिम्बावे ए सँगको तेस्रो टि२० अभ्यास खेलमा अर्धशतक प्रहार गरेका छन् । जितको लागि १ सय ३७ रनको विजयी पछ्याएको नेपालले १० ओभरमा १ विकेट गुमाउँदै ९० रन बनाएको छ ।

नेपालका ओपनर आसिफ शेख ३४ बलमा ८ चौकासहित ५० रनमा अविजित छन् । पहिलो विकेटका लागि आसिफ र कुशल भुर्तेलले ९.३ ओभरमा ८८ रनको साझेदारी गरेका थिए ।

कुशल भुर्तेल २६ बलमा २ चौका र २ छक्कासहित ३४ रनमा बोल्ड भए । ब्रेन्डन मभुताले कुशललाई बोल्ड गरे । क्रिजमा बसिर अहमदले १ रनमा साथ दिएका छन् ।

त्यसअघि टस हारेर टियु मैदानमा ब्याटिङ थालेको जिम्बावे ए ले निर्धारित २० ओभरमा ७ विकेट गुमाउँदै १ सय ३६ रन बनाएको थियो । जिम्बावे ए का रोय कैयाले ४१ बलमा ७ चौकासहित सर्वाधिक ४९ रन बनाए । ओपनर इनोसेन्ट कैया १४, टडिवानाशे मरुमानी २७ र टोनी मन्योङ्गा २ रनमा आउट भए ।

ल्यूक जांगवे २३ बलमा २ चौकासहित २३ रनमा अविजित रहे । नेपालका सन्दीप लामिछानेले ४ ओभरमा २५ रन खर्चेर २ विकेट लिए । सोमपाल कामीले ४ ओभरमा १९ रन खर्चेर १ विकेट लिए । बसिर अहमदले ४ ओभरमा १८ रन खर्चेर १ विकेट लिए ।

तीन टि२० सिरिजमा नेपाल पहिलो खेलमा ६ विकेटले पराजित भएको थियो । दोस्रो खेल भारी वर्षाको कारण रद्द भएको थियो ।