काठमाडौं (हाम्रो खेलकुद)– सत्र बर्ष माल्दिभ्सलाई हराएको नेपाली भलिबल टोलीले बंगबन्धु एसियाली सेन्ट्रल जोन भलिबल च्याम्पियनसिपमा शुक्रबार अजना भएको आयोजक बंगलादेशको सामना गर्दैछ । बंगलादेशको ढाकामा जारी च्याम्यिनसिपमा नेपाल र बंगालदेशबीचको खेल स्थानिय समयअनुसार साँझ ५ बजे सुरु हुनेछ ।
नेपालले पहिलो दिन माल्दिभ्सलाई ३–१ ले हराएको थियो । सन् १९९९ यता भलिबलमा नेपालले माल्दिभ्सलाई हराएको यो नै पहिलो हो । बंगलादेशले पहिलो खेल अफगानिस्तानलाई ३–१ ले हराएको थियो । गत बर्ष सेन्ट्रल जोनमा पहिलो पटक भाग लिदा नेपालले बंगलादेशलाई हराएको थियो । त्यति बेला नेपालको मुख्य प्रशिक्षक कपिलकिशोर श्रेष्ठ थिए ।
इम रानाको कप्तानीमा रहेको टोलीमा हरिहजुर थापा, मानबहादुर श्रेष्ठ, धनबहादुर भट्ट, विजय थापा,कुलबहादुर थापा, महेन्द्र श्रेष्ठ, भैरवबहादुर बम,भुवन कार्की, नरेन्द्र गिरी, देव शर्मा र इश्वर थापा छन् । कप्तान इमले पहिलो खेलको जितले बाँकी खेलमा टोलीको आत्मविश्वास बढ्ने बताए ।
टोलीको मुख्य प्रशिक्षक जगदिश भट्ट दोस्रो खेलमा पनि सफलता प्राप्त गर्नेमा आशावादी छन् । ‘ अफगानिस्तान बलियो टोली हो । तर पनि हामी जितका लागि प्रयास गर्नेछौं’ भट्टले भने, ‘माल्दिभ्ससँगको जितले टोलीको मनोबल थप उच्च भएको छ ।’
